PETITE at may sariling ka-seksihan si Sheena Halili.     Pero siya ngayon ang pinagtutuunan ng pansin ng kapwa niya first batch ng StarStrucks dahil halos lahat ng kapwa niya girls sa StarStruck Avengers Batch 1, sumabak na sa sexy pictorials.

Huling sumabak  nga ay si Jade Lopez na super-sexy sa latest edition ng isang men’s magazine.

Kung matatandaan, ilan sa ka-batch ni Sheena na nag-sexy pictorials na ay sina Cristine Reyes, Katrina Halili, Jennylyn Mercado at lately, si Jade.  Mayroon na ring sexy photos na naglabasan si Nadine Samonte, habang si Yasmien Kurdi, nagpa-sexy na rin para sa advocacy niya bilang animal lover at vegetarian.    

Tampulan tuloy ng biruan si Sheena na tila siya na lang ang walang tiwala sa kanyang kaseksihan.

Say ni Sheena, masaya siya para  sa mga ka-batch na nagpa-sexy. Hindi raw kasi ganoon kadali na magpa-sexy sa cover ng men’s mag. Pero hindi pa raw talaga siya handa at wala pang lakas ng loob na magpakita ng skin. Hindi naman daw niya isinasara ang pinto sa bagay na ito at baka nga raw isang araw, magulat na lang ang kanyang fans sa pagbulaga ng sexy photos niya.

Ayon sa tsika, ang tunay na dahilan kung bakit ayaw magpa-sexy sa pictorial ni Sheena ay dahil very conservative ang kanyang pamilya at ang rumored BF na si Rocco Nacino.

*  *  *

MOVING on na ngayon ang drama ng dalaga ni Megastar Sharon Cuneta na si KC Concepcion sa sakit na dulot ng break-up nila ng dyowang si Piolo Pascual. 

At ang paraan ni KC ng  “paglimot” ay ang hindi pagtanggap ng manliligaw at isubsob ang panahon sa pagta-trabaho. Kaya ngayong Valentine’s Day, walang Valentino si KC.

Pero aura naman ni KC ngayon, tipong naka-move on na ito. But according to her close friends, hindi raw ganoon kadali na makalimutan nito si Piolo, kahit pa na-babalutan ito ng galit tuwing naaalala ang kanyang “nalokong puso.”