Nasa Europe pa sina Raymart Santiago at Claudine Barretto, hindi na hinintay ng manager ng aktres na si Shirley Kuan na makabalik ang dalawa para mag-react si Claudine sa isyung nagkaroon umano sila ng conflict ni Carmina Villarroel sa shoot ng isang TV commercial.

Itinanggi ni SK ang insidente at sa paglilinaw niya, sinabing hindi siya nakikipag-away, kinukorek lang niya ang nasulat dahil nagulo ang kanyang kliyente.

Napilitan daw siyang magsalita at magpa-presscon after 20 years in the business dahil negative ito para sa Lactum people.

Ang daming maiigting na one-liner na pinakawalan si SK, isa rito’y ang “she can stick to her story, but it’s a lie” patukoy sa nagsulat ng item na si Dolly Anne Carvajal.

Alam ni SK na hindi apektado si Claudine sa lumaking isyu dahil hindi ito tumatawag. Wish lang niyang “patay” na ang isyu pagbalik nito.

Wala ring balak magdemanda si SK o ang Lactum, nililinaw lang niya na walang nangyari sa TVC shoot three years ago.

Nagulat naman si Dolor Guevarra, manager ni Carmina, na hindi muna tumawag si Dolly Anne sa kanya, gayung dati na itong tumatawag at alam din nito ang numbers nina Carmina at Zoren Legaspi.

* * *

Ang ganda-ganda ni Marian Rivera sa red dress na design ni Pam Quiñones at gawa ni Martin Bautista na sabi ng aktres sa presscon ng My Beloved ay team niya ngayon sa pagbibihis at pag-aayos sa kanya.

Labas ang kaputian ng aktres sa kanyang suot, pati pala tuhod nito, maputi!

Dahil guest si Dingdong sa Mr. & Mrs. A concert nina Ogie Alcasid at Regine Velasquez, ’di pa sure si Marian kung magluluto na lang siya o pupunta sila sa isang place na ’di pa niya napuntahan.

Excited na rin ang aktres sa sinasabing Valentine’s Day gift sa kanya ng BF.

What is love for her?

“Ang pag-ibig ay mananatili hanggang nabubuhay ka at walang katumbas na material things. Kapag may pag-ibig, kumpleto ka, parang multi-vitamin, from A to Z at may plus one pa,” hirit nito.

Ang daming pick-up lines na alam si Marian at sinampulan ang press, pero nag-disagree ito na ang lalaki ay parang leche flan, minsan, matamis, minsan, leche.

“Si Dingdong ay never naging leche sa akin.” Sabeh!

Pinag-react namin si Marian sa nabanggit ni Ervic Vijandre na sana makatrabaho niya sina Marian at Dingdong.

“No problem sa akin, open ako kahit sino ang makasama ko, kahit ex ko, hindi ko lang alam kay Dingdong. Saka, iba ang magiging dating noon sa iba, maiintriga kaming tatlo,” pahayag ni Marian.

Sa Monday na ang pilot ng My Beloved sa direction ni Dominic Zapata na first time makakatrabaho ang Primetime Couple.

* * *

Tapos na ang taping ng Kokak at mabuti’t naayos ang isyu kina Sarah Lahbati at Jessa Zaragoza.

Sabi ng una, nahiya siya sa ginawa ng tita niya sa huli at siya na ang nag-sorry.