PINA-FENG SHUI daw ng executives ng isang network ang isa nilang studio dahil feeling nila, malas ang dala nito.

Lahat kasi ng shows na ginagawa sa studio, laging nasisibak sa ere, huh!

Kaya naman gumastos ng malaking pera ang istasyon at may mga pinagibang haligi upang magmukhang maaliwalas ang daanan patungo sa studio.        

Ang nasabing studio kasi ang lugar na pinagdarausan ng bagong-bihis na programa.

Umaasa ang network na hindi rin mamamatay ang show na inilipat sa malas na studio.

’Yun nga lang, semplang na agad sa ratings ang bagong-bihis na show. Kahit sa nationwide, taob na taob ito ng tinapatang programa. 

Kaya naman hula ng isang showbiz celebrity na may krus ang dila, hindi lang ang show ang mamamatay kundi pati career ng celebrities na kasama sa programa, huh!

* * *

NANGINGINIG sa galit ang manager ni Claudine Barretto na si Shirley Kuan nang sagutin punto por punto ang mga maling sinulat ni Dolly Anne Carvajal sa kanyang column sa isang broadsheet.

Tungkol ito sa pagwo-walk-out diumano sa commercial shoot ni Carmina Villarroel dahil sa mga demands ni Claudine habang ginagawa ang TVC shoot.

Nagbigay na ng statement si Shirley sa Showbiz Central last February 5 upang pabulaanang may nangyaring ganoon.

Dagdag pa niya, three years ago pa ginawa ang TVC shoot at walang walkout na nangyari.

Pinadalhan din niya si Dolly ng letter ng ad agency para linawin ang sinulat niya.

Pero hindi raw ginawa ’yon ng TV host-columnist.

“It did not even happen! The shoot happened three years ago. The letter sent by the agency was not even a public letter.

“Siya ang nag-mention ng product. Hindi kami. Then she mentioned… pinapalabas niya na damage control ito. Anong damage control?

“Ang sa amin, we would just like to correct. She insisted she did not write anything damaging to the product and the artist.

“Then she comes saying damage control. So, para niyang inamin na damaging ang sinulat niya samantalang hindi naman damage control ang ginagawa namin. Correction lang.

“There is nothing to control. There is no damage. Nothing. There is just the untruth which I don’t like! She just went ahead and wrote the story.

“If there’s a walkout, that cannot be denied. Ang dami kayang crew and staff diyan. Anong tawag doon? A walkout is incontrovertible. Because it’s provable.        

“Nakatatlo na siya, eh. Ayaw tumigil, eh. Saan naman kami lulugar? So, I called my friends,” mahabang paliwanag ni Shirley.

Ayon pa kay Shirley, itinama na ni Carmina ang sinulat ni Dolly at wala siyang sagot na nakuha pa kay Claudine dahil nasa bakasyon ito sa Europe kasama ang asawang si Raymart Santiago.

Wala namang planong magdemanda ni Shirley at ayaw niyang maghamon ng away, pero kung aawayin siya, hindi siya uurong sa laban, huh!

“What goes uncorrected soon becomes the truth, so, I cannot let that go!” deklara pa niya.

* * *

HINDI natatakot si Mikael Daez na aawayin siya ng fans nina Dingdong Dantes at Marian Rivera dahil isa rin siya sa magnanais maromansa ang Primetime Queen sa bago nilang drama series na My Beloved.

“Actually, I love the Dong-Yan fans. I think the fans of Dingdong and Marian are very supportive of them and the show. And they know that it is a show.

“So far, they’ve been very supportive of me. Twitter. Nagku-comment din sila sa article na pinu-post ko sa blog, Philippine Star. So, I’m very happy sa reaction nila sa akin,” paliwanag ni Mikael sa press launch ng MB na mapapanood na sa February 13.

Kinarir ni Mikael ang paghu-host at pagsusulat sa broadsheets nang magkaroon ng delays sa taping ng MB dahil kay Rhian Ramos.

“I kept myself busy with that and a couple of workshops there. Although mahirap mag-workshop ng December,” say niya.

Kumusta naman ang lovelife niya?

“Single! Single!” tugon ng baguhang actor.

Kelan uli siya maghuhubad?

“Ano ka ba? Sa Amaya, nakabahag na ako roon!” rason niya.

May takip kaya ang puwet niya roon?

“Hip hop bahag kasi ’yon, hahaha!” katwiran ni Mikael.