Inanunsyo ni Kris Aquino sa Kris TV na makakasama rin niya si Richard Yap (Papa Chen sa My Binondo Girl) sa bago niyang teleserye na Kailangan Ko’y Ikaw with Robin Padilla and Anne Curtis.

Tinanggap na ito ni Richard at ang dialogue niya, excited siya to work with Kris.

Bongga, dahil kasama si Papa Chen sa taping abroad. Sey ni Kris, kasama ng aktor ang misis nitong si Melody sa out-of-the-country shoot.

“Based on the story, sa abroad tayo magsu-shoot. Dapat sumama siya (Melody) kasi matagal 'yata ’yon. Ang bina-block-off nila ay two to three weeks 'yung sa pagsu-shoot natin. I'm so excited to work with you kasi mai-in-love ka sa akin pero hindi kita ila-love kasi may asawa na ako, ikaw kasi, eh,” sey ni Kris kay Papa Chen.

Interestingly, pareho ng apelyido si Richard at ang dating asawa ni Kris na si James Yap. We wonder kung magkamag-anak sila.

* * *

May first project na si Iza Calzado sa ABS-CBN at ito ay ang Maalaala Mo Kaya, kung saan first leading man niya si Zanjoe Marudo.

Ngayon pa lang, ipinauna na ni Iza na hangga’t maaari, ayaw niya sanang magkaroon ng isyu sa pagitan nila ni Bea Alonzo, girlfriend ni Zanjoe.

Ayon kay Iza, isa ’yan sa naging apprehensions niya kasi nahihiya siya kay Bea.

“Mataas ang respeto ko sa kanya, una, bilang babae, pangalawa, bilang aktres at bilang tao. Ayaw ko lang na may... I'm sure she's professional. She's been doing this for years also, so, she understands. Bea, peace,” sey ni Iza.

Siniguro naman ni Zanjoe na walang magiging problema kay Bea.

"Alam mo, lahat tayo ay artista. Wala tayong kailangang i-explain kung parehas tayo ng trabaho, naiintindihan mo ang lahat. Wala nang selos-selos na mangyayari siguro,” sey ni Zanjoe.

Idinagdag din ng aktor na happy siya to be Iza’s first leading man sa ABS-CBN.

Bilang paghahanda, nag-workshop pa si Iza under Laurice Guillen.

Sa Feb. 14 ang taping ng episode kaya sina Iza at Zanjoe ang magkasama sa Valentine’s Day.