NAMANGKA raw muna sa dalawang ilog ang isang non-showbiz guy bago tuluyang pinatos ang kasalukuyang kinakasamang showbiz celebrity.

May non-showbiz girlfriend ang lalaki pero nang makilala ang celebrity, nagbago ang pananaw nito sa unang girlfriend.

Kinausap naman daw ng guy ang unang girlfriend.

Nagsabi lang ito na confused siya sa feelings niya.        

Nang sabihin ng lalaki kung sino ’yung celebrity na mas gusto niyang piliin, tinapos na ng babae ang relasyon.

Mas pinili nga ng lalaki ang showbiz girl na lingid sa kaalaman niya, eh, may nasaktan palang tao sa pakikipagrelasyon sa kinakasama ngayong guy.

* * *

NAGTAPON ng ilang milyong piso ang GMA Network sa unang episodes ng My Beloved na tineyp ni Rhian Ramos. 

Sa pagpalit ni Marian Rivera kay Rhian, totally bago ang mga eksenang kinunan upang umakma sa Primetime Queen ang role.

Nadagdagan pa ng ilang milyon ang gastos sa MB na mapapanood sa February 13 nang mag-shoot sa Buendia para sa eksenang may bus na nahulog sa flyover, ayon kay Direk Dominic Zapata. 

Tantiya ni Direk, more than P2M ang binayad nila sa lahat ng gastusin sa eksenang ’yon na lumikha ng media mileage sa pag-aakalang totoong nahulog ang bus sa flyover, huh!

Siyempre, nalulungkot si Direk Dom sa sitwasyon ni Rhian lalo na’t minsan din niyang naging kaibigan si Mo Twister.

Pero natutuwa rin siya’t kakaibang excitement ang nadarama niya dahil first time niyang makatrabaho sina Marian at Dingdong bilang lovers.

Teka, kung kumakalat na diumano ay may sex video siya, siya ba, walang ganoon?

“Naku, wala! Wala rin naman silang maipakita kundi bagong panganak na daga! Pero kulay pink, huh! Hahaha!” biro ni Direk Dom.

* * *

PAG-AAGAWAN si Rocco Nacino ni Kylie Padilla at ng baguhang si Max Collins sa afternoon prime ng GMA na My Good Daughter.

“Ewan ko ba, ’pag nasa eksena na, mapapasabi ka ng ang gaganda ng mga kasama natin, ’no? Parang mag-i-enjoy sa set kasi blooming ang mga kasama mo. Very bubbly!” pahayag ni Rocco sa press launch ng series.

So, siya na ang makaka-devirginize kay Max sa show?

“Hala! Hahaha!” bulalas niya.

First series kasi ito ni Max.

“Hahaha! Anong klaseng… hahaha! Nabigla naman ako sa tanong mo!” rason niya.

Siyempre, siya ang unang makakapareha.

“Hindi naman devirginize ’yung term. Siguro, break in... parang sa kotse, hahaha! Hindi. Maganda ang mangyayari sa amin ni Max kasi magiging couple kami ni Max. At ang balita ko, magkakaroon kami ng kissing scene,” chika ni Rocco.

So, siya nga ang makakadonselya rito sa halikan?

“Nag-tweet nga sa akin ni Kuya Perry (Lansigan, Max’s manager). Alagaan mo si Max, huh! Siyempre po,” aniya.

So, ano ang feeling niya’t siya ang unang makaka-break-in kay Max?

“Hahaha! Puwede namang dayain ’yon, ’di ba?” palusot ng aktor.

Naku, dadayain niya agad. Para namang hindi kapani-paniwala.

“Hahaha! Hala! Virgin hormones ba ito? Max is very sweet. Jolly. Very easy to talk to. Open and very professional,” katwiran niya.

Baka pagselosan siya ni Sheena Halili, huh!

“Sheena is always number one! Number one ’yan!” deklara ni Rocco.

* * *

KINABILIBAN ng Japanese actor na si Jacky Woo ang Korean actress na si Jang Kyung Ah sa ginagawa nilang movie na 20 Days sa Busan, South Korea.

Kahit matindi ang lamig at ginaw na ginaw na ito sa location, very professional pa rin siyang nagsu-shooting dahil alam din niyang may target playdate na ang movie.

Hindi lang kasi sa Korea at Japan ipalalabas ang pelikula kundi sa iba’t ibang international filmfest din.

No wonder, ganadung-ganado si Jacky sa pagtatapos nito at ipinagpaliban muna ang pagbabalik sa bansa.

Eh, alam naman ninyo si Jacky, second home na ang Pilipinas at forever Kapuso ang loyalty niya dahil naipakita niya sa TV shows ng network gaya ng Bubble Gang at iba pa ang kakayahan niya bilang artista, huh!