MARAMI ang nakakapuna na lalong naging blooming at super-sexy ang FHM Sexiest Woman last year na si Sam Pinto.

Tsika tuloy, desperado raw talaga si Sam na masungkit ulit ang titulo this year para makahilera niya si Katrina Halili na dalawang taon magkasunod na nahawakan ang titulo.

Pero ang tunay daw na dahilan ng pagiging blooming ni Sam ay ang pagkakaroon nito ng dyowa. At ang mapalad daw na lalaki, isang non-showbiz guy na mula sa mayamang angkan sa La Union. Sa interview kay Sam, may kilig pa itong nagkuwento na wala raw siyang BF sa ngayon, pero exclusively dating na sila ng naturang guy.

Ibinida pa ni Sam na ang lalaki ay half-Pinoy at half-Australian na ipinanganak sa Australia. Pero nang magtungo raw ito sa ’Pinas, tuluyan nang nag-stay dito sa bansa. Nasa surfing business ang kanilang pamilya kaya hindi kataka-taka na champion surfer ito. Kuwento pa ni Sam, nakilala raw niya ang rumored BF sa La Union nu’ng minsang magkaroon siya ng show sa nasabing bayan. After ng show, naisipan ni Sam na mag-surfing at doon sila nagkakilala nu’ng guy.

Kung blooming ang kanyang lovelife, blooming din ang showbiz career ni Sam, dahil kasama siya sa Biritera, na napapanood gabi-gabi sa Primetime Telebabad ng GMA7.

At every Friday sa Bubble Gang, na klik na klik sa masa ang pagiging “Neneng B” niya sa gag show.

* * *

TULAD ni Carla Abellana, iisa lang ang manager nila ng hunk actor na si Luis Alandy.

Sa ngayon, nakabitin ang “pag-oober da bakod” ni Carla at pinag-aaralan pa raw ang offer ng kalabang istasyon ng GMA7.

Kaya hindi maiwasan na matanong din si Luis kung may plano rin ba siyang ilipat ng manager sa ibang istasyon, lalo pa at walang kontrata o hindi pa pinapapirma ng kontrata si Luis ng Kapuso Network.

Sagot naman ni Luis, malaki ang respeto niya sa GMA7 at mahal niya ang Kapuso Network dahil hindi naman siya pinababayaan nito.

Hindi nga raw siya nabakante kaya malaki ang loyalty niya sa Siyete.

Paano kung mas malaki ang offer ng kalabang istas-yon at may kontrata pa?  Kagatin kaya ni Luis ang offer?

Say ni Luis, nasa kanya pa rin ang last say kahit pa gustuhin ng kanyang manager na ilipat siya. Marunong daw naman siyang tumanggi sa kagustuhan ng manager.

Hindi porke’t may offer, susunggaban na agad ni Luis dahil para sa aktor, kikitain din daw niya ito sa mga karaketan.