Cover ng Sunday Inquirer Magazine si Dingdong Dantes, lumabas ang magasin after ng launching niya ng Empower Deo Cologne by Dingdong Dantes for Bench noong Sabado.

Kagabi ang presscon ng My Beloved nila ni Marian Rivera, kaya masasabing linggo ng actor ngayon.

Sa February 13 na ang pilot ng My Beloved at malalaman natin kung sa Monday na ipalalabas ang eksenang may nahulog na bus sa flyover.

Naging controversial ang eksenang ’yun dahil may mga nagreklamo at akala’y walang permit, pero sabi ng staff at ni Direk Dominic Zapata, kumpleto sila ng permit.

Samantala, tuwang-tuwa ang mga nakasabay nina Dingdong at Marian sa Sonya’s Garden sa Tagaytay last Sunday.

Nagkaroon ng free time ang dalawa at minabuting lumabas dahil magiging busy sila sa mga susunod na araw.

Siguro naman gagawa sila ng paraan na mag-celebrate ng Valentine’s Day sa Tuesday.

* * *

In-announce ni Sharon Cuneta sa Twitter na may director na ang show niya sa TV5 at ito’y si Mark Meily, naging director niya sa pelikulang Crying Ladies.

Simpleng Sharon lang daw ang title ng daily talk show ni Mega at magsisimula sa March.

Bago ipaalam ni Sharon ang director ng kanyang show, nabalitang dalawang directors ang nag-aagawang maidirehe siya, pero si Mega pa rin ang nasunod.

Hintayin natin ang pahayag ng TV5 kung saang time slot nila ilalagay ang Sharon.

Bago ang talk show niya sa TV5, mapapanood muna si Sharon sa Once in a Lifetime concert nila ni Martin Nievera sa February 11 sa Smart Araneta Coliseum.

Si Rowell Santiago ang director ng concert.

* * *

Kontrabida ang role ni Jean Garcia sa Alice Bungisngis and her Wonder Walis bilang si Esmeralda, isang mangkukulam at magpapanggap na ina ni Alice (Bea Binene).

Kaabang-abang kung paano pa siya makakapanggulo kung ginawa na siyang kahoy.

Nabanggit pala ni Jean na bukod sa Alice Bungisngis, may isa pa siyang soap sa GMA-7 at tila primetime ito. Hindi nabanggit kung next project niya ito o papasok siya sa mga umeereng soap ng network ngayon.

Sa Alice Bungisngis, susugod ang bayan para gumanti kay Esmeralda (Jean), susunugin nila ang bahay nito, pero makakatakas ito.

Nailigtas ni Ipeng (Buboy Garovillo) si Baby Alice, iuuwi niya ang bata at mapapansing naggu-glow ang pulang balat nito sa noo.

* * *

Si Frencheska Farr ang kumanta ng theme song ng Alice Bungisngis, pero sa Kokak siya kasama at naloloka sa director nilang si Ricky Davao dahil tsinitsika sa press ang suitors niyang dumadalaw sa taping. Hahaha!

Happy si Frencheska na maging part ng Kokak kahit support siya ni Sarah Lahbati dahil nakatagpo siya ng mga bagong kaibigan at dito rin siya niligawan ni Ervic Vijandre.

Sad to say, wala pa sa isip ng dalaga ang mag-BF, kaya binasted ang binata.        

Pero kung ’yung crush niya sa ABS-CBN ang manliligaw, tiyak na sasagutin.

Hindi pa rin mababakante si Frencheska after Kokak dahil bida sila nina Steven Silva at Gladys Guevarra sa musical play na Hope for the Flower.

Sa AFP Theater at sa Ateneo mapapanood ang play simula March 3.