Itinanggi pareho nina Sarah Geronimo at Gerald Anderson na mayroon na silang secret relationship.    Nagsimula kasing matsismis ang dalawa nang aminin ng Pop Star Princess na binigyan siya ng Tiffany necklace ng young actor last Christmas.

Kasunod nito ay natsismis na spotted daw si Gerald sa labas ng dressing room ni Sarah sa ASAP ’12.

Matatandaan ding gumawa ng dalawang pelikula ang dalawa kaya hindi nakapagtatakang maging close talaga sila.

Pero sa panayam ni Gerald sa ABS-CBN, aniya, hindi sila nagkikita ni Sarah lately.

“Hindi naman. Siyempre, kung magkaroon ako ng chance, yeah, sige. But hindi, eh, kasi halos hindi kami nagkikita. Once lang kami nagkita, nu’ng isang araw lang. Text-text kami. Kinukumusta ko siya,” sabi ni Gerald.

Halos ganito rin ang statement ni Sarah.

Aniya, once lang sila nagkita ni Gerald at ito ay noong pumunta ito sa bahay nila para iabot ang Christmas gift.

Pero nang matanong si Sarah kung willing siyang maka-date si Gerald sa Valentine’s Day, sinabi ng dalaga na kung pareho silang libre, tingnan natin.

’Yun o!

* * *

Dahil vocal naman si Kris Aquino na gusto niyang magpaka-aktres this year at katunayan, may gagawin siyang bagong teleserye sa ABS-CBN titled Kailangan Ko’y Ikaw, natanong ang actress-TV host kung nag-e-expect ba siyang manalo ng acting award.

Pero mabilis na sagot ni Kris, wala siyang ganu’ng wish. Ang gusto lang daw niya ay mag-rate ang Kailangan Ko’y Ikaw.

Ever since naman daw, praktikal siya at mas gusto niyang kumita ang kanyang proyekto kesa magka-award.

Sa Kailangan Ko’y Ikaw, gagampanan ni Kris ang asawa ng isang tapat na pulis na ginagampanan naman ni Robin Padilla. She comes from a rich family pero na-disown siya nang sumama sa karakter ni Binoe.

Magkapatid naman sila ni Anne Curtis dito.

Samantala, sa Feb. 14, Kris will be turning 41. Nakatakda niyang i-celebrate ang birthday at Valentine’s Day kasama ang dalawang anak sa Tokyo, Disneyland.

Matagal nang pangako ito ni Kris sa kanyang mga anak at timing din dahil sa Feb. 21, magsisimula na siya ng bagong seryeng Kailangan Ko’y Ikaw kaya bago man lang daw siya mag-start ng ngaragang taping, maibakasyon na niya ang mga bata.

Sa kanyang panayam sa The Buzz, tinanong ni Boy Abunda kung ano ang kanyang birthday wish, she said, "I always pray for my sisters and my brother.

"Gusto ko talaga that they all stay healthy and that palagi kaming nakaapak sa lupa. I don't want any of us to be jaded. And I don't want any of us to lose optimism.

"Ang bait-bait ni God talaga sa akin na ibinigay niya ’yung opportunity to have the job that I love. So, I'm excited to be an actress na at sinabi ko 'yan ng ilang beses. And true na ito, ayan na talaga.

"May teleserye, may movie with Chito Roño coming this end of March, April...I'm so excited about that."