AMBISYON ni Kylie Padilla na maging best actress kaya naman ayaw muna niyang magkaroon ng bagong lalaki sa buhay after Aljur Abrenica.

Hindi man niya sabihin nang diretso, mas lamang ang balitang hiwalay na sila ng young actor.

Itinanggi niyang may babae siyang pinagselosan kaya hindi na sila nagkikita ni Aljur.

“Selosa ako a little. Lahat naman, eh. Lahat naman sila… wala naman po pinagselosan. Parehas kami ng trabaho kaya hindi ako nagseselos,” rason ni Kylie na muling bida sa afternoon prime ng GMA na The Good Daughter na mapapanood na sa February 13.

Sa series, mabagsik ang stepmother niya na gagampanan ni Alicia Mayer.

Eh, anong gagawin niya ’pag ganoon ito sa tunay na buhay?

“Baka masampal ko siya! Hahaha! Eh, hindi naman. Mabait naman! Hahaha!” rason ng young actress.

Sa presscon, pinahi-ram ng stepmom niyang si Mariel Rodriguez ang suot niyang pink na gown.

“Wala po kaming dress at sinabi namin kay Tita Mariel, sabi niya, ‘may pink ako sa bahay. Kunin ninyo na lang.’ Sa kanya po ito,” balita ni Kylie.

Ayon pa kay Kylie, good daughter ang tawag ngayon sa kanya ng father niyang si Robin Padilla.

Tanungin na lang daw ang Papa niya kung gaano siya kabait bilang anak.

Pero sinunod ba niya ang payo ng ama na unahin muna ang career bago ang lalaki?

“Naisip ko na po ’yon. Kasi medyo naramdaman ko naman na medyo nawala ako sa focus. Inaamin ko naman ’yon. So, ngayon, focused na ulit,” deklara ni Kylie.

Nakakawala ba ng focus ang mga lalaki?

“Hahaha! Hindi lang po ’yon! Siyempre, may problema rin sa ibang bagay,” dagdag niya.

* * *

PANALO ang lahat ng programa ng GMA Network nu’ng Lunes, huh! Pinataob ni Boy Logro ang katapat nitong It’s Showtime na kalahati lang ang ratings lalo na nang oras na ng Eat Bulaga.

Pati shows sa Afternoon Prime, buhay na buhay ang ratings pati ang pilot telecast ng Broken Vow at Alice Bungisngis.

Winner na winner talaga!

Then, ang bagong drama na Biritera, waging-wagi rin sa katapat na show sa Dos.

Nakakaantig kasi ang mga eksenang panimula at lutang na lutang ang husay ni Dennis Trillo sa madadramang eksena pati na ang binatilyong aktor na gumanap sa role niyang binatilyo.

Bongga si Jillian Ward na guest sa opening scene  na birit-biritan din sa pagkanta.

Congrats, GMA!