NAPUNTAHAN namin ang Fans’ Day ni Lovi Poe sa SM Manila Activity Center last Sunday at nasaksihan namin kung gaano kamahal ng kanyang fans si Lovi.       

Ang pinakamalayong  fan ni Lovi na nagpunta sa affair ay galing pa sa Samar, huh!

Kuwento ng fan, nag-overnight ride siya para umabot sa Fans’ Day ni Lovi. Kaya maluha-luha ang bading na teenager nang ma-yakap at maka-pictorial si Lovi.

Tatlong kanta ang inihandog ni Lovi sa kanyang adoring fans na matiyagang naghintay kahit pa na-late ang isa sa bida ng Kapuso serye na Legacy dahil sa sobrang traffic na idinulot ng shooting ng Hollywood movie na Bourne Legacy sa may Sta Mesa area.

Pero sulit naman ang pag-hihintay ng fans kay Lovi dahil super-bait ito at talagang kinarir ang pag-pose kasama ang fans.

Puri pa ng fans, hindi raw nakakalimutan ng sexy actress na personal na sagutin ang tweet sa kanya ng fans.

Sa mga nakausap naming kalalakihan idol daw nila si Lovi dahil bukod sa super-sexy at super-ganda ito, maga-ling ding umarte kaya lagi raw silang nanonood ng Legacy.

* * *

PERSONAL din naming na-interview si Lovi Poe sa backstage last Sunday ng Party Pilipinas.

Giit ng magandang aktres, loveless pa rin siya at wala siyang ka-date sa kanyang birthday sa February 11.  Tsika din nito, wala siyang bonggang party, basta magsasalu-salo lang sila ng kanyang pamilya and close friends. Reregaluhan din daw niya ang sarili ng mamahaling sapatos.

Dagdag pa ni Lovi, wala raw balikang nangyari sa kanila ni Ronald Singson, kahit nagkikita sila sa iba’t ibang okasyon, tulad sa Sinulog sa Cebu City at parties ng kanilang common friends.

Kaya sobrang nagulat si Lovi nu’ng dumating si Ronald sa birthday presentation niya sa Party Pilipinas last Sunday.

Dahil sa gulat, tanging nasabi ni Lovi: “Sobrang panliligaw naman ito.”

Sa isang interview kasi sinabi ni Ronald na liligawan daw niya ulit si Lovi.

Pero pinanindigan ni Lovi na: “Masaya ako kahit loveless ako.”

Wala raw siyang alam sa pagpunta ni Ronald sa Party Pilipinas at mga taga-Party Pilipinas daw ang nag-arrange nito para ma-ging madrama ang birthday presentation ni Lovi.

* * *

TUWANG-TUWANG i-binalita ni Bianca King na nakatakdang dumating ang kanyang ina from Canada para umattend ng graduation rites niya on Feb.11 sa PICC.

Si Dennis daw ang kanyang magiging escort at siyempre kasama ang kanyang lola sa kanyang graduation ng kursong Filmmaking sa College of St. Benilde. Kahit anong urirat ng press kay Dennis tungkol sa totoong relasyon kay Bianca, dedma ito. Pero recently, on separate interviews, inamin nina Dennis at Bianca na masaya sila kapag magkasama at nagde-date.

Inamin din ni Dennis na may komunikas-yon sila ng mother ni Bianca.

Excited na nga raw si Dennis na ma-meet ulit ang nanay ni Bianca.

Speaking of Dennis, bida siya sa Biritera bilang ka-patid ng child biriterang si Roseanne Magan, na napapanood sa GMA7.

* * *

IPINAGTAPAT ni Bea Binene na hindi siya apektado kung may namumuo mang pagtitinginan sina Jake Vargas at Lexi Fernandez, na magpartner sa comedy show na Pepito Mana-loto.

“Friends lang naman kami ni Jake, kahit magpartner pa rin kami sa Alice Bungisngis. Okay lang makipartner siya sa ibang leading lady. Sa akin trabaho lang lahat  ang ginagawa namin. Basta, kapag nag-uusap kami, trabaho lang ang pinag-uusapan namin.”

Paglilinaw pa ni Bea, hindi raw nanliligaw sa kanyang si Derrick Monasterio. Magkaibigan din lang sila at magka-partner sa Tween Hearts at sa Alice Bungingisngis, bilang ka-love triangle nila ni Jake.

* * *

TOTOO pala ang tsikang isang Japanese businessman ang avid suitor ni Glaiza de Castro ngayon.

Super-guwapo daw ito at super-bait. Pero ayaw daw munang makipagre-lasyon ni Glaiza after ng failed relationship niya noon kay Patrick Garcia.  Na-realize daw ni Glaiza na mahirap pagsabayin ang career at lovelife.

Lalo ngayon na bida siya sa bagong soap na Biritera, ayaw niyang magkaroon ng sagabal sa pagyabong ng kanyang showbiz career.