Ikinagulat namin ang revelation ni Kris Aquino sa The Buzz last Sunday na kailangan pa niyang

ampunin ang dalawa niyang anak na sina Joshua at Baby James para maging legal ang lahat.

Si Joshua ay anak ni Kris kay Phillip Salvador and as we all know, hindi sila kasal.

Si Bimby (Baby James) naman, anak niya sa dating asawang si James Yap, pero dahil nga sa annulled na ang kasal nila, illegitimate na ang estado ng bata.

"So, kailangan for me to legitimize my own children, kahit na biologically, niluwal ko sila. Parang lesson in law talaga itong nangyari sa akin. I need to adopt them para no question of inheritance later on,” pahayag ni Kris.

Pero kahit annulled na raw sila ni James, ni-request  niya sa dating asawa na Yap pa rin ang gagamiting apelyido ni Bimby.

"I am requesting that legally, Baby James will be using Aquino Yap. Pinakiusap ko kay James ’yun at sinabi niya, wala namang problema,” Kris said.

Siya naman daw, ang legal name niya ngayon ay Kristina Bernadette Cojuangco Aquino.

Ang isa pang revelation ni Kris, at this point in time, natanggal na raw talaga ’yung desire niya to be in a relationship.

"Totoo. Ito ’yung from somebody na for the past 20 years, sinubaybayan n'yo ang makulay na buhay-pag-ibig.

"Alam n'yo, Boy (Abunda), kung tatanungin mo ako at this particular moment talaga, na I am grateful for the chance to be single and to have the chance to love again. But if you're going to ask if I want to love again, not really.”

Okay na raw siya ngayon on her own at hindi siya natatakot na tumandang nag-iisa.

Sa bandang huli, napakaganda ng mensaheng iniwan ni Kris para sa best friend niyang si Kuya Boy.

"The big truth, as far as I'm concerned, you know who your friend is kapag nandiyan with you through the ups and down. Well, you're the additional brother that God gave to me and ’yun ang the big truth.

"Na kung naging lalaki ka lang talaga in every sense of the word, sana tayo na lang dalawa ang nagkatuluyan. At least magkasundo talaga tayo,” say ni Kris sa kanyang best friend-manager-confidante.

* * *

Ayon sa isa sa mainstays ng Showtime na si Karylle, hindi naman daw nila iniisip na makipagkumpetensiya sa Eat Bulaga.

As we all know, ang Showtime ang ipinalit sa Happy Yipee Yehey at makakabangga na nila sa timeslot ang institusyong noontime show nina Tito, Vic and Joey.

“We’re not gonna think na as if we’re competing with anybody. We just wanna make people happy and make them more happy.

“’Yun ’yung main thing na pinanghahawakan ko na gusto naming gawin,” sabi ni Karylle nang makausap namin sa launch ng bago niyang endorsement na Jeunesse Anion feminine napkin.

Ito raw ang isa sa mga napag-usapan nila sa naganap na family meeting ng staff and hosts ng programa.

“Nilabas namin lahat ng fears kasi ganu’n na ka-close ’yung grupo (namin) kung anong gusto naming sabihin, no judgment, no anything.

“Of course it’s good to be competitive, pero kung ’yun at ’yun lang tinitingnan mo, medyo namamali ’yung direksyon,” say ni Karylle.

Samantala, pagdating sa kanyang lovelife, obvious namang masaya ang dalaga sa relasyon nito with Spongecola frontman Yael Yuzon kahit wala pang opisyal na pag-amin ang dalawa na sila na.

“Ayoko nang mag-share, kasi nagawa ko na ’yun before. Hindi naman sa dedma, pero whenever I sing or write songs, nandu’n naman ’yung message,” she said.