Halatang pinaghandaan pareho nina Jennylyn Mercado at Bianca King ang paghaharap nila sa Showbiz Central.

Parehong bare back ang suot na damit, panalo lang si Bianca pagdating sa cleavage dahil mas malalim ang cleavage exposure nito.

In-interview ni Jennylyn si Bianca para sa Broken Vow na nagsimula kahapon, pero wala siyang nakuhang tsika tungkol kina Bianca at Dennis Trillo na ex niya dahil ang galing umiwas ni Bianca at nahihiyang magtanong si Jennylyn.

Si John Lapus pa ang nagtanong kung anong favorite ni Dennis sa mga niluluto ni Bianca.

Sagot nito, kahit anong lutuin niya, tuwang-tuwa ang actor.

Sayang at nahiyang magtanong si Jennylyn ng tungkol kina Bianca at Dennis, may balita kasing inimbita ni Bianca si Dennis sa taping ng Broken Vow  nang kunan ang rape scene niya, pero umayaw ang actor.

Pagseselosan siguro nitong mapanood na nire-rape ang GF kahit kunwari lang.

Kinumpirma naman ni Cong. Manny Pacquiao na may movie offer sa kanya, kung saan makakasama niya ang Hollywood action star na si Jason Statham, pero ’di pa siya sure kung tatanggapin although binasa na niya ang script.

Action-comedy daw ang movie, kaso ’di niya alam kung may time siyang gawin ito.

* * *

Role ni Michael de Mesa sa original Valiente ang ginagampanan ni JC de Vera sa remake ng teleserye na mapapanood na sa February 13 sa TV5.

Na-starstruck si JC nang first time niyang makita si Michael dahil alam niyang magaling itong artista at na-excite siya to be working with him.

Siya na ang nagpakilala rito at maganda ang working relationship nila dahil nagbibigay ito ng tips at suggestions.

Bilang si Gardo na trabahador sa hacienda, madalas naka-topless si JC at sabi ni Oyo Sotto, mabuti’t hindi siya ang pinag-topless dahil wala siyang abs.         Kay JC din may kissing scene si Nadine Samonte, kaya feeling lucky ito.

Two years na sa TV5 si JC, may one year pa siya sa kanyang kontrata at dahil naging masaya sa paglipat, baka mag-renew ito.

Natupad daw ang gusto niyang career growth sa TV5 dahil iba-iba ang ginagawa niya.

* * *

Nagpatikim si Basil Valdez sa mapapanood sa concert nila ni Rachelle Ann Go at ng The Company nang mag-guest siya sa Party Pilipinas kahit ABS-CBN ang TV partner ng concert. 

Kinanta nito ang ilang cuts sa bago niyang album under Viva Records. 

Anyway, billed Seasons of Love ang concert nila ni Rachelle na gagawin sa Newport Performing Arts Theater sa Resorts World sa February 13 at produced ng Viva Concerts & Events.

Hindi madi-disappoint ang fans ni Basil dahil kasama sa repertoire niya ang old hits niyang gaya ng Ngayon at Kailanman at Let the Pain Remain at songs sa latest album niya gaya ng Kanlungan, Ikaw, Hanggang, Kung Ako Na Lang Sana at Pagdating ng Panahon with The Company.

Tickets to the show are available at Ticketnet (911-5555), Resorts World ticketbooth and SM Dept. Store Customer Service.

* * *

Sa Alice Bungisngis and her Wonder Walis, lahat ay natuwa nang ipanganak si Baby Alice lalo’t may red birthmark ito gaya kay Lola Andeng (Alicia Alonzo).        

Ibig sabihin, magiging magaling din siyang manggagaway paglaki.

Pero hindi lang sina Matilda (Ana Roces) at Hilario (Janno Gibbs) ang masaya, pati si Esmeralda (Jean Garcia) dahil puwedeng maputol ang sumpa sa kanya. Dudukutin nito ang bata, pero lalabanan siya nina Hilario, kaya lang nabuhusan sila ng potion.

Iiwan ni Matilda si Baby Alice sa bangka at dahil doon, mapapahamak ang bata.