Ikinagulat ng marami ang pagpayag ni John Lloyd Cruz na magpakita ng katawan at magpaka-daring sa pelikulang Unoficially Yours, kaya naman marami ang nagtatanong sa kanya kung paano siya na-convince ng Star Cinema at ni Direk Cathy Garcia-Molina na gawin ito.

“Ang thinking ko kasi nu’ng ginagawa ko to... obviously, I don’t have the nicest body, I don’t have the best body in the industry. Pero ang sa akin kasi, eh, ’yung portrayal.

“Hindi naman lahat ng lalaki, eh, perpekto ang katawan, sabi ko, parang magandang pagkakataon para maipakita ’pag napanood ng mga karamihan na makaka-relate, siguro, mas relatable lang ’yung body ko,” say ni Lloydie.

Pero secondary na lang daw dito ang pagpapakita nila ng katawan at ang importante raw ay ang story.

“Mas importanteng mailahad namin ang gusto naming ikuwento as far as official and unofficial relationships are concerned,” say ni Lloydie.

Pero ang talagang hinahangaan ng husto ng aktor ay ang katawan ng kanyang leading lady.

“Napaka-sexy po ni Angel at marami po ang mag-a-agree sa akin ditong mga lalaki at babae, lahat po mag-a-agree, hindi lang ang FHM, talagang deserving to be the number one, the sexiest woman in the country,” papuri ni Lloydie.

Samantala, hindi rin naman nakaligtas si Angel at natanong kung gaano ka-sexy si Lloydie.

Napa-‘oh, my God!’ ang aktres habang si Lloydie naman ay natatawa.

“I-rate mo ako, 10 being the highest, bigyan mo ako ng definite answer, kasi ’ýung body ko definite naman, eh,” natatawang say ni Lloydie kay Angel.

Say naman ni Angel, tingnan na lang daw natin ang mga girlfriend ni Lloydie kung gaano kagaganda dahil may kakaiba raw talagang charm ang aktor.

“Pero dito sa pelikulang ito, oh my God, as in sex symbol si Lloydie dito, ang hot lang niya talaga. Ako, siyempre, 10 ang ibibigay ko kay Lloydie, 10 out of 100,” say ni Angel na ikinatawa ni Loydie.

Samantala, showing na ang Unofficially Yours sa Feb. 15.

* * *

Kahit may daily noontime show si Anne Curtis, ang It’s Showtime, tinanggap niya ang teleseryeng Kailangan Ko’y Ikaw dahil isang malaking karangalan daw para sa kanya ang makatrabaho sina Robin and Kris.

Siniguro naman niyang kakayanin niyang maglagare sa dalawang shows kahit na alam niyang mahirap.

Nag-usap daw kasi sila ni Kris at napagkasunduan nila na pareho silang magsa-sacrifice para lang matuloy ang proyekto.

Dahil nga may It’s Showtime si Anne sa tanghali, napagkasunduan nilang at 7 a.m. ay magro-roll na sila sa taping ng serye.

Kaya ang call time raw ay 5:30 a.m. Kailangan kasing umalis ni Anne ng 10:30 a.m. kaya bago raw ito umalis sa set, at least ay naka-three or four sequences na sila.

Babalik na lang si Anne sa set pagkatapos ng It’s Showtime.

Say naman ni Kris, nakatulong din talaga na magkasundung-magkasundo sila ni Anne kaya pumayag siya sa call time na 5:30 a.m.

“Kasi kung ibang tao ’yan na ni-request ako na kailangan 5:30 a.m. nandu’n ako, mababaliw naman ako. But because love ko si Anne at gusto ko talagang matuloy ito, sige na, go,” sabi ni Kris.

Nakatakdang mag-first taping day ang serye sa Feb. 21.

Sa ngayon, apat pa lang na main cast (Kris, Anne, Robin at Xyriel Manabat) ang puwedeng ianunsyo dahil kasalukuyan pa ring binubuo ang support cast.