Kababalik lang ni Kris Aquino at mga anak mula sa bakasyon sa Hong Kong kahapon, aalis na naman sila sa Friday for Japan dahil doon magsi-celebrate ng birthday niya sa Feb. 14 ang TV host-actress.

Sa Feb. 15 na ang kanyang balik.

Nasa schedule ni Kris ang birthday celebration ni Pres. Noynoy Aquino sa Wednesday, Feb. 8.

Tiyak na imbitado si Grace Lee sa party ni P-Noy at first time silang magkikita ni Kris.

Marami na ang gustong ma-interview si Kris tungkol sa P-Noy-Grace issue dahil gustong malaman kung pabor siya sa madalas na pagpapa-interview ni Grace sa kanila ni P-Noy.

Pati pagluluto ni Grace ng Korean dish para kay P-Noy, itsinika sa press.

* * *

Starting today, five times a week na namang mapa-panood ang tambalan nina Jake Vargas at Bea Binene sa fantaserye na Alice Bungisngis and her Wonder Walis  sa direction ni Mark Reyes.

Happy, pero pressured ang dalawa dahil mataas ang ratings ng papalitan nilang Daldalita at ayaw ma-disappoint ang GMA-7, si Direk Mark at ang kanilang fans.           Kampante lang ang mga bagets na magandang palabas ang mapapanood dahil pinaghihirapan nilang gawin.

Samantala, naniniwala sina Bea at Jake na hindi magagalit ang Jabea fans sa magiging takbo ng istorya na magpapalit sila ng kapareha nina Derrick Monasterio at Lexi Fernan-dez.

Maiintindihan ng fans na para sa ikagaganda ng Alice Bungisngis ang gagawin.

Saka, kung paniniwalaan ang tsika, sina Jake at Lexi at sila naman daw ni Derrick ang nagkakagustuhan.

* * *

Puro positive ang sinabi ng cast ng Nandito Ako kay David Archuleta at agree si Direk Mac Alejandre sa kanila’t totoo raw na mabait si David.

Tsika pa ni Direk Mac, mahilig kumanta sa set si David at nagdu-duet sila.

Challenge kay David ang Tagalog lines, pero tinulungan siya ng cast na “great” daw.

’Katuwa lang ang sagot nitong “food” nang tanungin kung ano ang maaalala sa taping niya sa bansa ng mini seryeng airing na sa February 20.

“I was nervous at first, but the experience is so worth it. This is the best experience in my life and I love it here. It feels like home.”

Samantala, nabalitaan namin sa presscon ng Nandito Ako na extended ang stay dito ni David dahil may mga pumasok na endorsement.

Tatanggapin daw nito ang dumating na endorsement offers dahil ang matatanggap na tf ay ibibigay sa parents niya para may magastos habang nasa Mormon mission siya.

Kung sa Feb. 15 nga babalik ng Utah si David, makakapanood pa siya ng Mr. & Mrs. A concert ng idol niyang sina Regine Velasquez at Ogie Alcasid sa Feb. 14.

* * *

Sa Subic Yatch Club kinunan ang birthday party scene ni Barbie Forteza sa Ikaw Lang ang Mamahalin, talagang big scene ’yun at white gown pa ang suot ng bagets. Parang talagang party dahil nakabihis ang mga bisita at maraming food.

In real life, ayaw ng bonggang birthday party ni Barbie at kahit nitong artista na siya, hindi nabago ang ginagawa nila ng kanyang pamilya na kumain lang sa labas.

Ang nabago lang, sa restaurant sa MOA na sila kumakain.

Kahit sa debut niya, ayaw niyang magpa-party. Mas type niyang mag-travel o kaya’y bumili ng car.

Katuwiran nito, isang araw lang ang party, samantalang kung bibili siya ng car, matagal niyang magagamit at masaya kung magta-travel siya.

* * *

Sa Tadashi, Iniwang Sugatan episode ng Personalan, makikilala si Tadashi na hindi maka-move-on sa break-up nila ni Jennylyn dahil na rin sa pagkaseloso niya.

Ang lalong ikinasama ng loob ni Tadashi, sa tomboy na si Therie siya ipinagpalit ni Jennylyn na kapatid pa ng friend niyang si C.A.

Ginugulo ni Tadashi sina Therie at Jennylyn, kaya kinailangan nilang tumira sa bahay ng kanilang kagawad.        

Mamaya masasagot kung bakit hindi matanggap ni Tadashi na wala na sa kanya si Jennylyn.

Host ng Personalan si Ali Sotto at gabay sa buhay si May Soriano. Guest celebrity usi si Alessandra de Rossi.

Mapapanood ito 7:10 p.m. sa GMA News TV Channel 11.

* * *

Hindi makapaniwala si Betong Sumaya na magti-trending siya sa Twitter dahil sa last immunity challenge ng Survivor Philippines Celebrity Doubles Showdown.

Nag-trending mula Friday evening hanggang Saturday morning ang Go Betong at pinag-usapan ang tatag ni Betong sa nasabing challenge.

Tumayo sila nina KC Montero, Stef Prescott at Mara Yokohama sa pole sa gitna ng dagat.

Unang naalis sina KC at Stef and after two hours, saka bumaba si Betong at naiwan si Mara na siyang nakapasok sa Top 3.

Sa episode mamayang gabi, malalaman kung sino ang makakasama ni Mara sa Top 3 at kung tama ang sinabi ni Betong na siya na ang maaalis.