SOBRANG laki ng ipinagbago ni Asia’s Songbird Regine Velasquez.

Halos kasi nagdoble na ang kanyang timbang and still she’s still “singing” to the world na she’s one proud mama sa baby boy niyang si Nate.

Kung noong wala pa siyang sariling pamilya, super-conscious si Regine sa kanyang timbang at hindi makikita ng publiko na hindi nakaayos dahil maraming mata ang nakatingin sa kanya.

Pero ngayon na may asawa’t anak na si Regine, kahit pa magmukha siyang aparador, dedma lang ang magaling na singer-actress.

Sa isang panayam, ipinagmamalaki ni Regine na sobrang binago ni Baby Nate ang kanyang buhay, hindi lang sa pisikal na katauhan kundi maging ang kanyang emosyon.

Say pa ni Songbird, mas lalong naging makulay at masaya ang kanyang mundo nu’ng dumating sa buhay nila ng asawang si Ogie Alcasid ang anghel sa kanilang pamilya.

Habang lumalaki raw ang kanyang anak, mas lalo siyang nakakaramdam ng matinding kaligayahan.

Kasi naman daw, maru-nong nang makipag-communicate sa kanya si Baby Nate at nalalaro-laro na niya ito na tila nakakaintindi na.

Sa ngayon, naghahanda na si Regine sa kanyang major comeback sa showbiz via a major Valentine concert kasama ng mister na si Ogie sa Mr and Mrs A concert sa Smart Araneta on Valentine’s Day.

Kinakailangan pa ngang mag-yoga ni Regine para sa naturang concert, hindi lang daw dahil sa gusto niyang mabawasan ang kanyang timbang kundi pati na rin sa kanyang boses.

Aminado kasi si Songbird na simula nang magbuntis siya at manganak, naapektuhan daw ang kanyang boses, lalo na sa kanyang breathing, na importante sa isang singer.

* * *

LABIS-labis ang kaligayahan ng tween star na si Kim Komatsu na makasama sa cast ng bagong teleserye sa Primetime Telebabad ng GMA7 na Biritera.

Role ni Kim sa soap ang pagiging choirmaster sa simbahan. Napansin ang galing sa acting ni Kim sa Tween Hearts kung saan siya unang nakilala at nabigyan ng exposure sa tele-bisyon. Marami rin ang nakakapansin na malaki ang pagkakahawig nila ni Angel Locsin, kaya hindi maiwasan masabihan siyang mini-Angel Locsin.

Maging sa kulay kasi ng balat na pagka-morena, hawig sila, huh!

Kuwento naman ni Kim, idol talaga niya si Angel kaya sobrang flattered daw siya sa tuwing nasasabing kahawig niya ang idolo.

Aminado rin ang mabait na tween star na malaki ang naging impluwensiya ni Angel sa kanyang showbiz career. Sana nga magtuluy-tuloy ang suwerte ng batang ito. At huwag ding magbabago o lumipat ng istasyon kapag nagkapangalan na siya, kasi nga idolo niya si Angel Locsin.

O, ’di ba may connect?