Nakakaawa naman itong dating pa-sweet na artista na naging sexy star din.

In fairness, sumikat siya sa pagbo-bold at talaga naman lahat ng mga kalalakihan, humanga sa kanyang alindog.

Pero sabi nga nila, sa showbiz may katapusan ang career mo kapag pagpapaseksi sa pelikula lang ang talent mo.

Sa ngayon daw, nasa Japan kuno ang bansot na sexy star.

Ayon pa sa kanyang press release, nagsho-show siya doon sa mga night club.

Totoo naman ito, pero may nagkumpirma na sa mga cheap bar sa Japan siya nagso-show at ang mga customer, mga basurerong Japanese. Hahaha!

Ayon pa sa tsika sa atin ng aming spy, maraming utang daw ang sexy starlet na kailangang bayaran kaya napilitang mag-Japayuki.

* * *

Nadadalas umano sa Resorts World Casino ang magdyowang sina Marian Rivera at Dingdong Dantes.

Ang favorite nilang laruin ang ‘Bacarat.’

Nagsimula raw ang pagkahilig ng dalawa sa casino nu’ng minsang maimbitahan sila sa nasabing hotel and casino.

Pero ang masakit daw dito, mas madalas daw silang natatalo.

Ayon sa aming spy, araw ng Sabado nu’ng mamataan niya ang magdyowa na nagka-casino sa Resorts World Manila.

Kung ating natatandaan, maraming mga artista na na-addict sa casino ang naghihirap na ngayon, tulad nina Dino Guevarra, Bobby Andrews, Rita Magdalena, Criselda Volks (na nagkaroon pa ng sex video dahil sa sugal) at ang pinakamatinding nabalitaan namin, ‘yung kay Aurora Sevilla na madalas kapareha ng yumaong si Fer-nando Poe Jr., na naibenta ang bahay dahil sa sugal, kaya ngayon nagtitinda na lang ng isda sa palengke.

Isa rin sa gimik ng nasabing casino na gawing “dealer” ang sexy bold stars tulad nina Maui Taylor, Katya Santos, Jennifer Lee at Gwen Garci.

Ito ay para nga naman makahikayat ng mga artista na magsugal sa kanila, dahil sila ang may pera, bukod sa mga politiko.

Kaya payo namin, hanggang maaga ay umiwas na ang magdyowang Dingdong and Marian at baka dahil sa sugal, maghiwalay pa sila.

* * *

Kung ilang dekada na ang Eat Bulaga sa ere at ganyan na rin katagal at ka-loyal ang major sponsor nila na Coca Cola. Parang magkaibigan na hindi napapaghiwalay ang Coke at Eat Bulaga.  At dahil sa  magandang layunin ng EB sa kanilang “Juan For All, All For Juan,” laging nakaalalay ang Coke, kasama ng iba pang sponsors tulad ng Puregold, Dunkin’ Donuts, Voice Combo Sandwich, CDO Sesame Hotdog, Lucky Me Nam-Nam at Hanabishi Appliances.