Mukhang masyadong corny ’yung naging gimik ng mga taga-Showtime na nag-iiyakan pa nu’ng magpaalam sa publiko, gayong alam naman pala nila na ililipat lang sila ng oras para ipalit sa natigbak nang Happy Yipee Yehey.

Siguro gusto lang nilang malaman kung ano ang ma-giging reaksiyon ng mga tao kung magpapaalam na nga sila sa ere.   

Ang kaso, parang nabantilawan ang gimik nila dahil bago pa ang kunwaring iyakan, kumalat na nga na sila ang ipapalit sa Happy Yipee Yehey.

At saka, hindi ba ibinuko rin naman sila ni John Estrada noon mismong araw ding ’yun?

Ewan naman namin kung kaninong idea ang mag-iiyak pa ang hosts ng Showtime, naging corny tuloy, huh!

Hindi na rin naman bago sa atin na inilalaban ang bagong reformat na Showtime sa Eat Bulaga.

Kung inyong natatandaan, nu’ng mawala ang show ni Willie Revillame sa ABS-CBN, ’yun ding Showtime na ito ang itinapat sa Eat Bulaga.

Nagpilit pa silang gumawa ng panibagong show, kasi nga mas mataas ang rating ng Showtime sa dating time slot nito.

Patunay na hirap sila ta-lagang tapatan ang Eat Bulaga.

Marami na rin namang nag-ambisyong labanan ang Eat Bulaga.

Hindi ba ang TV5 matagal nang sinasabing gagawa ng isang noontime show, pero hindi matuluy-tuloy?

Una, mahina pa ang kanilang signal, doon lang talo na sila.

At saka kahit na ang pinaka-malalaking stars pa nila ang isabak sa noontime show, mahihirapan silang talunin ang team-up nina Tito,Vic and Joey.

Dapat ang gawin nila, mag-isip sila ng alternative programming.  Huwag nakasi nilang kalabanin ang Eat Bulaga.

Ang ibig naming sabihin, dapat huwag na silang gumawa ng gameshow.

’Yun kasing mahihilig sa gameshow, nakuha nang lahat ng Eat Bulaga.

Ang dapat na targetin  nila, ’yung mga ayaw sa gameshows.

Sila ang bigyan nila ng ibang mapapanood baka sakaling umangat pa sila.

* * *

Magkakaroon ng concert si Nora Aunor sa Mayo?

Hay naku, ilusyon na naman ito ng kampo ni Ate Guy.

Hanggang ngayon nga hindi pa rin naooperahan si Nora. At kung maoperahan man siya, mahabang panahon na therapy ang kaila-ngan bago mailagay sa ayos ang kanyang boses.

At mailagay man ito sa ayos, imposible na ring maibalik ‘’yung dating ganda ang kanyang boses. Hindi ganoon kabilis ang paglalagay sa ayos ng boses ni Nora dahil matagal ang healing process para sa kanya.

At saka, tumigil na ba talaga siya sa paninigarilyo at pag-inom ng alak?

* * *

Mukhang nakikipagkaibigan na daw sa TV gays ang isang male starlet na gustong magbalik-showbiz.

Minsan daw, may nasabi pa ito na kahit na may matronang mag-aalaga sa kanya, ok lang. pati sa mga TV gay.

Ang tanong, may papatol pa ba naman sa kanya?