MAY mga katibayan si John Lloyd kung bakit para sa kanya ay si Angel Locsin  ang pinakaseksing artistang babaing nakasama niya.

Hindi daw ‘yun dahil sila ang magkatambal sa Unofficially Yours, na sex-comedy movie. Sinasabi raw niyang si Angel ang super-seksing  female star  natin dahil ‘yun ang totoo.

Hindi puwedeng pasubalian, dahil kung ilang taon pinarangalan si Angel ng isang  magazine bilang sexiest female star sa lahat ng kanilang naging cover  girls. Nakuha ni Angel ang korona ‘di dahil pinili siya ng ilang hurado lamang kungdi dahil siya ang choice ng kanilang readers na bumoboto sa pamamagitan ng kanilang website sa Internet.  Kaya naman ‘niluluhuran’ daw ni John Lloyd si Angel sa kaseksihan nito.

May nagbiro kay John Lloyd kung wala raw nagagalit dahil sa paniniwala niyang iyon at kanya pang ipinamamalita. Kung may nasasaktan man daw dahil si Angel ang pinakaseksi para sa kanya, eh, ‘yun daw ang totoo. Kahit sinong  lalaki ang magsabing si Angel ang sexiest female star natin, walang makakaangal dahil ‘yun ang katotohanan. Sa pelikulang Unofficially Yours, tiyak na mas lalong lalabas ang pagiging sexy ni Angel. Kasi talaga namang kaseksihan ni Angel at maiinit na romansahan nila ni John Lloyd ang ibinibenta.

*  *  *

Siguro,  naisip noon ni Gabby Concepcion na mahihirapan siyang magkaroon ng assignment ulit sa dati niyang network.   Hindi naging impressive ang ratings ng projects na nagawa niya sa network. Matatagalan din siguro bago ulit siya makagawa ng pelikula dahil hindi rin maganda ang kita sa takilya ng kanyang movies. Kaya nang may nag-offer na ibang network, lumipat siya kaagad. Kaso, sa bago niyang station, hindi rin siya nag-rate.

Kung iisipin, ang pag-asa na lang niya ay kung natu-loy ang pelikula nila ni Sharon Cuneta. Eh, nagkataong manganganak na ang kanyang asawang nasa ibang bansa at kinakailangan niyang samahan,  kaya hindi rin natuloy ang  bago niyang project. Papaano na kaya ang career ni Gabby ngayon?

*  *  *

Talagang tagilid na ang career ng male star na inaasahan pa naman noon na siyang mext matinee idol.

Ganunpaman, hindi ito natatakot dahil hanggang ngayon pala ay sustentado ito ng isang rich gay na taga-Mindanao.

Kaya pala every now and then ay naririnig nating nagbabakasyon siya sa abroad. Kasama pala niya palagi ang kanyang ‘gay sponsor.’