BLESSING in disguise na rin kay Sharon Cuneta na hindi na matuloy ang pelikulang pagsasamahan nila ng ex-husband niyang si Gabby Conpcepcion. Baka naman lalo pang dumami ang problema habang ginagawa nila ang movie at magkaletse-letse at hindi pa matapos, huh!

Buong ningning na inanunsyo ni Sharon ang pagsisimula ng reunion movie nila ni Gabby nu’ng first time niyang humarap sa press kaugnay ng Once In A Lifetime pre-Valentine concert nila ni Martin Nievera sa February 11.

Nalaman lang niyang kaput na ito nang nakipag-meeting sa Viva kaugnay ng projects na naka-line-up sa kanya this year including her TV5 show.

“Gusto lang  pagbigyan ni Sharon ang mga Sharon-Gabby fans. Akala din niya (Shawie) friends na sila (ni Gabby) and she wanted to help him recover from his flop movie.

“Pero siya pa ang inis kay Sharon. Inaway niya. Si Sharon pa ang masama. Kahit nag-ok na si Sharon at ang Viva sa mga demands niya na sobra-sobra. So ang ending, no more movie. Baka kasi kung ano pa demands niya bago niya tapusin ang shooting!” paliwanag ng source namin sa isyu.

Diyos ko naman, kakulangan ba kay Shawie kung hindi magawa ang movie nila ni Gabby? Ilang taon nang burado sa isip ni Sharon ang makasama niya si Gabby sa movie pero nandiyan pa siya, buhay na buhay pa rin ang career ng megastar.

Naku, kung ayaw ni Gabby, eh, ’di huwag! Hindi ’yung siya pa ang may ganang magalit kay Sharon na ang tanging hangad lang ay mapagbigyan ang kanilang followers na naging bahagi rin ng buhay niya sa showbiz, huh!

* * *

TAKOT si Kristoffer Martin na mawalan ng trabaho ng two months. Feeling niya kasi, baka makalimutan siya ng tao. Sa ngayon kasi, patapos na ang afternoon drama niyang Ikaw Lang Ang Mamamahalin. Buti na lang, meron pa rin siyang Tween Hearts at Party Pilipinas.

Natutuwa lang ang tween actor dahil sa pagtatapos ng ILAM, magmamarka ang character niya hindi gaya nu’ng simula na lumabas na suporta lang siya ng bidang sina Barbie Forteza at Joshua Dionisio. Itinanggi nga lang niya na pinapa-insecure siya sa role ni Joshua sa series.

“Hindi ko naman iniisip ’yon. Hindi ko na kailangang palakihin pa at mag-assume, eh, magkaibigan naman kami ni Joshua,” rason ng tween actor.

Hindi ba niya napi-feel na napag-iiwanan na ang loveteam nila ni Joyce Ching na nagmarka na sana sa katatapos na Munting Heredera?

“Ahhh… Wala. Hindi ko alam kung anong nangyayari. Pero okey lang. As long as may trabaho, okey lang ako. Sana naging fair lang,” tugon ni Kristoffer.

Lumalabas na pangatlong choice lang siya kina Joshua at Jake.

“Hindi naman. Walang kumpetisyon as long as nag-i-enjoy ako. Saka trabaho,” sabi niya.

Hanggang kelan siya maghihintay?

“Time will come. Nakikita naman nila ang effort ko sa pag-arte. Hindi lang siguro ngayon pero nararamdaman ko. Time will come,” katwiran ng tween actor.

Baka naman mahina ang loveteam nila ni Joyce?

“Hindi ko masasabing mahina dahil one time, nag-trend kami sa Twitter. Kaming dalawa lang. First tween couple na nag-trend. Pangatlo pa. Tapos ang daming followers sa Twitter, Facebook. Tapos ’pag may poll, poll diyan, nangunguna kami ni Joyce!” katwiran ni Kristoffer.

Gaano siya kakuntento sa career niya, eh, marami naman siyang talents?

“Binibigay ko naman ang best ko sa performance ko. Siguro, hindi lang ngayon ang time frame. Siguro hindi naman puwedeng sabay-sabay kaming aangat! Isa-isa. Naiintindihan ko naman ’yung ganoong proseso. Sa ngayon, suporta. Itutuloy ko lang!” paliwanag ni Kristoffer.

Bakit may mga emote siyang nagrereklamo sa career niya?

“Hindi naman. Aminin ko minsan, nalulungkot! Pero ganoon lang naman! Ha! Ha! Ha! Pero okey lang. Trabaho lang!” diin ng tween actor.