Kung si Tsong Joey Marquez ang tatanungin, ayaw na raw muna niyang mapagkasal ulit.

“Kasi, huwag sanang magalit ang mga relihiyon, ano? Kasi for me, opinyon ko lang naman ’to, ha, sana huwag pong magalit. Kasi sa akin, ’pag pumirma ka ng contract, may duda. So, it’s not a piece of paper that counts here, it’s the commitment,” pahayag ng isa sa hosts ng Showbiz Inside Report.

Nasasabi raw niya ito dahil galing na siya sa ganitong sitwasyon.

“Hindi ko ito nabasa, nanggaling ako du’n.”

Aminado naman si Joey na na-realize niya ang biggest regret niya sa buhay ay nang pirmahan niya ang annulment papers nila ni Alma Moreno.

“Alam mo, hindi ko nga maintindihan kung bakit ang pagsisisi laging nasa huli, eh. Sabagay, wala namang pagsisisi sa una. Kaya lang ’yung pinundar mo na taon na 13 years of being married, with a family of course, somebody who’s spiritually married at saka with contract, ganu’n.

“Nung una excited ka na wala, pero ’pag nandiyan na pala, that was the saddest day of my life when I signed it. I don’t know how to explain, eh, pero I hope na you won’t experience it, pero iba ang pakiramdam.”

Although nilinaw naman niya na hindi naman niya pinagsisisihan talaga ito kungdi pinanghinayangan niya.

“Nanghinayang lang ako kasi, it’s already halfway there na for being there permanently, eh. Siguro, as I’ve said, being a guy, ako na lang ang mali, huwag na ’yung babae.”

Hanggang ngayon ba ay may lungkot pa rin?

“Ah hindi na, happy na naman si Ness, I’m happy for her. In fact, we’re even considered as best friends, eh.”

Sa ngayon ay aminado si Joey na he’s in a relationship. Non-showbiz daw ang girl kaya nakiusap siyang huwag na lang pag-usapan dahil gusto niyang maging pribado ang kanilang relasyon.

Wish lang daw niya maintindihan ng kanyang karelasyon kung sakali mang hindi nga sila makapagpakasal.

“Besides, it’s not a piece of paper that counts. It’s my word of honor and commitment.”

* * *

Sa storycon ng bagong serye ni Robin Padilla with Kris Aquino and Anne Curtis na Kailangan Ko’y Ikaw, natanong ang action star kung buntis na ba ang kanyang asawang si Marielle Rodriguez.

Pero sey ni Binoe ay wala pa raw at mas okey na raw muna ang ganitong wala silang anak.

“Wag muna ’tol. Kasi bagong kasal kayo, enjoy-in n’yo muna,” sey niya.

Nalalapit na ang Valentine’s Day, ano ang plano niya?

“Siyempre, kasama ko ang aking nag-iisang asawa.”

Talaga bang nag-iisa na lang?

“Oo siyempre,” mabilis niyang sagot. “Medyo mahirap ang buhay ngayon.”

Sa Araw ng Mga Puso, wish ni Binoe na mabigyan naman daw ng bakasyon si Mariel mula sa Willtime Big Time na programa ni Mariel sa TV5.

“Kasi, ang gusto lagi ni Willie (Revillame, host ng Willtime Big Time), laging live sila, eh. Hindi ko pa alam kung ano ang gagawin namin pero siyempre, nakasalalay ’yun sa trabaho niya.”

Weekdays kasi natapat ang Feb. 14, Tuesday to be exact, kaya may trabaho nga si Mariel.

“Kung hindi siya papayagan (na um-absent), doon ako. Maglalagay na lang ako ng table do’n kung saan man siya.”