SERYOSONG sinabi ni Ilocos Norte Governor Imee Marcos sa interview namin na pinakamamahal niya ang Pinoy movie industry.

Kaya gusto niyang ituloy ang adhikain noon ng kanyang ama, si dating Pangulong Ferdinand Marcos, nang itatag nito noong ‘80s ang Manila International Film Festival na naging daan para maging sentro ng pelikula sa Southeast Asia ang Metro Manila.

Dalawang  malalaki  at makakabuluhang Pinoy movies ang nalikha nang panahong ‘yun -- Himala ni Nora Aunor na idinirek ng Ishmael Bernal, at ang Oro Plata Mata na bida si Joel Torre at idinirek ni Peque Gallaga.

Ngayong 2012, si  Gov. Imee ay  gumawa ng isang mataas ang kalidad na indie film na pinaghalong animation at real actors na sumikat nitong 2011 Metro Manila Film Festival, ang Pintakasi, na humakot ng awards sa indie film category ng taunang filmfest. Nakuha ng Pintakasi ang best film award.

*  *  *

NAKITSIKA kami sa last taping day ng Ikaw Lang ang Mamahalin ng GMA7 na ginanap sa Yacht Club ng Subic Free Port sa Zambales.

Saksi kami sa sweetness nina Joshua Dionisio at Barbie Forteza. Dalawang linggo na lang ang itatagal sa ere ng Ikaw Lang ang Mamahalin, pero hanggang ngayon ay napakataas pa rin ng ratings nito.

Buong pagmamalaking ikinuwento sa amin ni Joshua na para sa kanya,  si Barbie lang ang  pinakamagaling niyang leading lady, wala na raw iba pa. Kumportable na kasi sila sa isa’t isa. Kung wala man daw  silang relasyon dahil 14 years old pa lang si Barbie, super close naman silang dalawa. Inamin ni Joshua na  nanonood silang dalawa ng sine, at kumakain sa labas.

*  *  *

TOTOONG nagpapaligsahan sa panunuyo kay Glaiza de Castro sina Felix Rocco at isang non-showbiz businessman.

Madalas na umaakyat ng ligaw kay Glaiza si Felix sa bahay ng dalaga sa may Commonwealth, Quezon City. Ang businessman naman ay gayundin. Mabuti na lang daw at hindi nagka-kasabay ang dalawa sa panliligaw.

Pero, sabi naman ni Glaiza, wala pa talaga sa  isip niya na seryosohin ang mga nanliligaw. Busy raw kasi ang dalaga sa kanyang showbiz career tulad ng halos araw-araw niyang taping para sa Biritera, ang first team up nila ni Dennis Trillo para sa primetime ng GMA7.

*  *  *

PINAKAMASAYANG birthday raw ni Lovi Poe ngayong February.

Laya na kasi si Ronald Singson at tsikang  nagkabalikan sila.

By the way, bukod sa big birthday celebration ni Lovi sa Party Pilipinas ngayong Sunday, magi-guest din siya sa Showbiz Central. May nakatakda rin siyang Fans’ Day at 5 p.m. sa SM Manila   ngayong Sunday (Feb.5).         Kasalukuyang napapanood si Lovi sa top-rating  agad na  Legacy  kung saan kasama niya sina Heart Evangelista, Alessandra de Rossi, Sid Lucero at Geoff Eigenmann. At magkakaroon ng nationwide mall tour ang buong cast ng  Legacy starting  Feb. 12.

*  *  *

HINDI makaporma nang husto si JC Tiuseco sa leading lady niyang si Sarah Lahbati sa soap ng GMA7 na Kokak.

Sa panahon kasi ng taping nila ay marami siyang dinaramdam sa katawan. Katatapos lang niyang magpaopera sa tuhod at nasa rehabilitation period siya.

Pero, aminado si JC na in love  talaga siya kay Sarah. Napakabait daw kasi nito at  super-ganda at napaka-seksi pa. Ang isa pang dahilan kaya hindi siya makaporma  nang husto kay Sarah dahil ‘di pa rin siya makapag-move on sa trauma ng paghihiwalay nila ng naging girlfriend na si Maxene Magalona.

*   *  *

KUNG mahal ni Ogie Alcasid ang musika dahil isa siyang award-winning composer, di rin niya iiwanan ang pagiging comedian-actor.

Masaya raw siya sa parehong mundong ito. Sanay na siyang magpatawa at nagamit niya ito sa pagganap niya sa Daldalita na nagtapos na nitong Friday.