LAKING gulat ng solid Sharonians nang biglang may bumulagang twitter account na nagpapanggap na Sharon Cuneta.

Kasi nga naman, ang nilalalaman ng nasabing twitter accounts, na ginaya ang Megastar, ay pawang negative tweets, tulad na lang ng pagsasabing ‘namba-babae na naman si Sen. Kiko Pangilinan, etc.  Nitong Jan.12  lang nagbukas ng kanyang twitter account si Sharon kung kaya labis-labis ang kaligayahan ng kanyang mga tagahanga. Sa katunayan pa nga, sa loob lang  ng halos isang linggo ay libo-libo na agad ang naging followers ni Sharon sa twitter accounts niya.

Pero bigla ngang lumabas ang isa pang halos kaparehas ng kanyang twitter account, as in na-hacked ang account ng Megastar, at ginawang negatives ang comments na naroroon sa naturang pekeng twitter accounts ni Ate Shawie.

Isang pagpapatunay na peke ang accounts ay ang number ng followers nito. Ang  pekeng accounts na halos katulad ng twitter ni Sharon ay wala pa halos isang  libo ang followers.  Kung kaya ganu’n na lang kaimbudo ang mga Sharonians sa paninirang ginawa ng pekeng twitter accounts sa kanilang idolo.

And speaking of Sharon Cuneta, nalalapit na ang pagsisimula ng kanyang daily show sa bago niyang tahanan, ang TV 5. May pamagat ang daily talk show niya na Sharon  na magsisimula nang mapanood starting Feb.27.

*  *  *

IBINUKING ng guwapong actor na si Marco Alcaraz ang tunay na dahilan kung bakit siya magpapakasal sa girlfriend for three years na si Precious Quigaman.         Ayon kay Marco, nang naging girlfriend niya nang halos isang buwan pa lamang si Precious, ay agad niyang nasabi sa sarili na ito na nga ang babaing kanyang ihaharap sa altar. And true to his words, after ng halos dalawang  taon ng pagiging magsyota ay nag-propose na ng kasal si Marco kay Precious.

Marami na ring naging girlfriends si Marco bago si Precious, pero hindi raw na-ramdaman ni Marco sa mga iyon ang feelings na secured. Pero, isyu kay Marco, si-niguro lang daw ng binata na makasal sa isang Miss International. Salag ni Marco, hindi raw ang pagiging beauty queen  ni Precious ang gusto niya kundi ang pagiging mapagmahal at maalagang girlfriend nito.

Ngayong October na ang kasalang Marco- Precious. At kung silang dalawa lang ang tatanungin, gusto raw sana nila ng simple at tahi-mik na beach wedding. Pero dahil pareho silang  showbiz personalities, ay hindi maiiwasan na magkaroon sila ng showbiz guests at maging bongga ang kanilang kasal.

Samantala, bago pa man ang kasalan,abalang-abala ngayon si Marco sa bago ni-yang soap, Broken Vow, ng GMA7 afternoon teleserye kung saan bilang  police officer ang role niya na mag-iimbestiga sa rape victim na si Bianca King, pangunahing tauhan sa Broken Vow.