LAMPAS-LANGIT na kaligayahan ang nadarama  ngayon ng sexy actress na si Bianca King.

Ito ay dahil sa blessings na dumarating sa kanyang behind-the-camera life at showbiz career na rin.

Una sa lahat, in love at tanggap na ng kanyang pamilya ang boyfriend na si Dennis Trillo. Kuwento nga ni Bianca sa presscon ng latest afternoon soap niya sa GMA7 na Broken Vow, kung saan mas daring at palaban ang role ni Bianca, mismong  ang kanyang ina raw ang nagyaya kay Dennis na bumisita sa kanilang bahay.

Bukod dito, ayaw na ni Bianca na magbigay ng anumang tsika tungkol sa BF. Gusto raw kasi niyang maging private ang kanyang pakikipagrelasyon.

Dedma na rin siya sa mga “kalokohan” ni Dennis. Ang mahalaga raw ngayon, nagkakaunawaan sila ni Dennis.

Pagdating naman sa kanyang showbiz career,  nasa cloud 9 si Bianca dahil hindi niya akalain na magiging bida ulit siya sa isang teleserye. Matapos kasing mag-rate ng mataas ang kanyang kauna-unahang soap opera na Sinner or Saints, binigyan agad siya ng bagong pagbibidahan -- ang Broken Vow.

Umani ng papuri ang acting ni Bianca dahil sa pagi-ging palaban nito sa kanyang daring scenes, lalung- lalo na sa kanyang rape scene, na isa sa highlight ng ng serye.

Masaya ring ibinalita ni Bianca na pumirma na rin siya ng two-year exclusive contract sa GMA Network.         O ‘di ba, kapag ang mother studio ang nagpapirma ng kontrata sa kanilang artista, eh, asset na ito ng network na dapat ng alagaan.

*  *  *

PAO CHIEF ATTY. PERSIDA ACOSTA AT AMY PEREZ, PINAGSASABONG

KASISIMULA palang ma-ging daily show ng public service program ng TV5 na Public Atorni  (Monday to Friday, 4:30 pm) , iniintriga na agad ito.

Dati kasing once a week lang ang Public Atorni na ang host ay si Public Attorney Office(PAO) Chief Atty. Persida Acosta, pero noon pa man, may malaki na itong following at humahabol pa nga  sa Face To Face ni Amy Perez, kung saan isa si Atty. Persida sa mga naging legal adviser noon.

Pero ngayong daily na ang Public Atorni, may intriga ngang baka raw maagawan ng viewers ni Atty. Acosta ang show ni Amy dahil pareho silang public service, pero mas credible nga lang ang kay Atty. Acosta dahil experienced lawyer, samantalang si Amy, pangkaraniwang TV host lang.

Idagdag pa na “special treatment” din daw ang ibi-nibigay ng TV5 management kay Atty. Persida, lalo na sa paglalagay ng mas mara-ming commercials sa kanyang program kesa sa Face To Face ni Amy.  Natatawang sinabi ni Atty. Persida Acosta na wala raw ganu’n sa TV 5.

Walang palakasan, kundi pantay-pantay ang pagti-ngin ng  management sa kanilang lahat. Wala rin daw isyu sa pagitan nila ni Amy dahil magkaibigan naman silang dalawa.  Natutuwa lang si Atty. Acosta na mas marami na ngayon siyang matutulu-ngan   dahil araw-araw na nga ang kanyang “mediation on air.”

Say nga ng mga kasama-han ni Atty. Persida sa PAO,  halos dyingle na lang daw ang pahinga ng kanilang mabait na boss dahil araw-araw at oras-oras na itong magtatrabaho sa pagbibi-gay ng legal na solusyon sa problema ng mahihirap na-ting mga kababayan na hindi kayang kumuha ng abogado.