Usap-usapan sa isang network ang conflict ng dalawang director na hawak ang controversial shows ng station.

Nag-walk-out daw last week si Direk A dahil nag-overtime ang show na hawak ni Direk B. Nang tapos na ang show, ’di makita si Direk A, kaya 15 minutes ding hindi umere ang show na hawak nito.

Noon pa pala may isyu ang dalawang director at may kinalaman dito ang isang talent na wala na sa network.

Uminit pa ang isyu sa dalawa dahil sa hawak nilang shows na ang isa’y nawala na sa ere at ang papalit na show ay hawak ni Direk B.

* * *

May tanong na kami kay Kylie Padilla sa presscon ng pagbibidahang The Good Daughter tungkol sa kanyang lovelife.

Aalamin namin kung break na nga sila ni Aljur Abrenica batay na rin sa tweets ng dalaga at sa absence ng aktor sa nakaraan niyang birthday party na bigay pa naman ni Robin Padilla.

Kung sila pa, kahit anong busy ni Aljur, gagawa ito ng paraan para makahabol sa party ni Kylie, pero may trabaho raw siya.

Nagtataka rin kami sa tweets ni Kylie lately at isa rito’y ang “Mr. Valentino. I don’t have one. I’m ok with it that way.”

Ang alam namin, magsi-celebrate ng kanilang first anniversary sina Kylie at Aljur this February? Anyareh?

Anyway, masasagot ito ’pag nakausap namin si Kylie.

* * *

Ni-record pala ang bungisngis ni Bea Binene sa Alice Bungisngis and her Wonder Walis, pero sa taping, kailangan niyang bumungisngis ng ilang beses hangga’t kailangan sa eksena dahil ayaw ni Direk Mark Reyes ng recorded na tawa.

Nagpasalamat si Bea sa home network niya sa Alice Bungisngis na siya ang title role. She’s happy, nervous and pressured na dapat mataas ang ratings nila dahil mataas ang rating ng papalitan nilang Daldalita.

Curious lang kami kung bakit hindi masagot ni Bea ang tanong kung totoong sina Jake Vargas at Lexi Fernandez in real life.

Sa halip na “yes” or “no” ang sagot, kundi “next question” ay “ayaw kong mag-comment” ang sagot nito.

Kasama rin pala si Bea sa GMA Films movie na My Kontrabida Girl at ang name niya ay Joyce Bernal, kapatid yata ni Chris Bernal, ginagampanan ni Aljur Abrenica at super fan ng karakter ni Rhian Ramos.

Sa March 7 ang showing nito sa direction ni Jade Castro na director ng Zombadings.                                                                                   

* * *

Sa huling gabi ng Daldalita, hindi matutuloy ang kasal nina Mateo (Ogie Alcasid) at Cherry (Rufa Mae Quinto), nagkagulo nang dumating ang mga daga na tropa ni Kirat.

Aatake rin ang mga bibe kasama ni Daisy at mga baboy na kasama ni Bobby.

Darating sina Daldalita at Katrina (Manilyn Reynes) at malalaman ni Mateo na hindi buntis si Cherry, pero itatakas nito si Daldalita, kaso mabibitawan din.        

Mapapadpad si Cherry sa gubat at mapapangasawa si Tanzan (Raymart Santiago).

Na-discover sa movies sina Bobby at Daisy at PA nila si Sam (Marc Abaya).        

Ikakasal na sina Katrina at Mateo at pinakamasaya si Daldalita.