NAGING malapit sa isa’t isa sina Angel Locsin at John Lloyd Cruz mula nang magkasama sila sa teleseryeng Imortal. Ngayong nasundan ito sa pelikulang Unofficially Yours na pang-Valentine offering ng Star Cinema, lalong naging at ease magkatrabaho ang dalawa.

Katunayan, puring-puri ni Angel ang galing umarte ni Lloydie. Sa dinadami-dami raw ng kanyang naging leading man, ibang-iba daw si John Lloyd.

“One step ahead  talaga siya sa lahat ng kapareha ko na. Iba, iba si Lloydie,” say ni Angel.

Tungkol ang Unofficially Yours sa “intimacy and sexual compatibility” sabi ni box-office director Cathy Garcia-Molina na showing na sa Feb 15.

Liberated woman ang role dito ni Angel na naka-one-night stand si John Lloyd na kung tutuusin, totoong nangyayari sa tunay na buhay. Simpleng istorya, pero ipinagmamalaki ni Angel dahil kahit daw siya mismo, nakaka-relate sa pelikula nila ni Lloydie.

Sa huling araw nga raw ng shooting sa Unofficially Yours, sumabak sila sa torrid love scenes,  Inamin ng magandang aktres na ibinigay na raw nila ni John Lloyd ang lahat-lahat sa pelikulang ito at namomroblema si Angel kasi hindi na raw siya nahihiya kay John Lloyd. Thankful din daw ang aktres na si John Lloyd ang leading man dahil gentleman daw ito.

* * *

NAGULAT si Carmina Villarroel nang tanungin sa presscon ng bagong show with Janice de Belen, Ogie Diaz at Joey Marquez, kung totoo raw bang nag-walkout siya TV commercial nila ni Claudine Barretto.Nasulat daw kasi ito sa column ni Paparazzi host Dolly Anne Carvajal sa Philippine Daily Inquirer kamakailan lang.

Marami raw demand si Claudine habang nagsu-shoot ang commercial na ikinairita umano ni Carmina kaya nag-walk out ito.

Hindi pa raw niya nababasa ang column ni Dolly Anne pero may mga tuma-tawag daw sa kanya at bi-nabanggit ito.

Ayon kay Carmina, hindi raw niya alam kung saan nanggaling ang balita at kung sino ang source ni Dolly Anne. Pero wala daw katotohanan na may “iringan” silang dalawa ni Claudine. Magkaibigan daw sila at hindi magkaaway.

Sinabi rin ni Carmina na ang pinagsamahan nila ni Claudine na commercial na isang milk product ay two years ago na nakunan.

“So, sabi ko nga, kung may insidente, kung may away man kami ni Clau, dapat lumabas na ’yun noon pa,” hirit nito.

* * *

MAAGA ang Valentines date ni Enchong Dee sa kanyang fans dahil may pre-Valentine show siya sa Sabado, Feb. 4, sa Zirkoh Morato, 9 pm, entitled Love Over Laugh.

Makakasama ni Enchong sina Jose Manalo, Wally Bayola, Valerie Concepcion at Frenchie Dy at ito ay bilang pagtulong ng young actor sa I Help Foundation at sa Child Haus.

Ang mga front act sa LOL ay sina Rain Javier, Kenjie Mercado at Lemuel Santos, sa direksiyon ni Leklek Tumalad. Para sa ibang detalye tumawag sa 7100352, 0921-549-8931 o sa SM Ticketnets 4702222.