HINDI tinantanan ng kantiyaw si dating Sexbomb Rochelle Pangilinan sa presscon ng latest project niya sa GMA7 after Amaya na Broken Vow, kung saan kontrabida ang kanyang role bilang ex-GF ni Gabby Eigenmann, tungkol sa tsikang nagpakasal sila ng dyowang si Arthur Solinap nu’ng magpunta sila sa Singapore kamakailan lang.

Natatawang sagot ni Rochelle, walang kasalang nangyari  kundi bakasyon at  birthday gift ni Rochelle sa boyfriend ang trip.

Super-gala at pahinga raw ang ginawa nila ng boyfriend sa Singapore.

Biro tuloy kay Rochelle na “honeymoon” muna bago kasal ang nangyari sa kanila ni Arthur.

Halakhak lang ang naging tugon ng sexy star sa pambubuska sa kanya ng showbiz writers.

Hirit pa ni Rochelle, wala pa raw silang balak pakasal ni Arthur sa ngayon, lalo pa na nagiging paborito siyang kunin na “kontrabida” ng GMA7.

Pagkatapos niya sa Amaya, sumabak agad na villain si Rochelle sa afternoon soap na Broken Vow.

* * *

NILINAW ng dating Survivor na si Jace Flores ang tsikang lalayasan na raw niya ang GMA Artist Center dahil wala raw nangyayari sa kanyang career at lilipat na sa pamamahala ni Rams David.

Paliwanag ng hunk actor, nakakontrata pa rin siya sa GMAAC hanggang October, 2012 pero hindi naman inaalis ni Jace ang ideyang magkaroon ng bagong manager.

Say pa rin ni Jace, hindi pa nga raw siya nakakapagpaalam nang maayos sa GMAAC.

Career move raw ang dahilan ng napipinto niyang pag-alis sa poder ng GMAAC.

Feeling kasi ni Jace, kulang sa pag-aalaga sa kanyang career ng GMAAC at hindi na nabibigyan ng projects.

Anyway, sa latest project ni Jace sa GMA7 na Broken Vow, ubod ng sama ang kanyang magiging papel kaya enjoy daw si Jace.

Say ng  aktor, mas masarap daw ang maging kontrabida dahil very challenging ang role at mas tatagal sa industriya kesa kung ma-giging bida.