MARIIN at diretsahang sinabi ng magandang Kapuso star na si Rich Asuncion na wala na siyang balak na sumali sa alinmang beauty contest, nu’ng tanungin tungkol sa kumakalat na tsikang sasali siya ngayong taon sa Miss World Philippines.

Marami raw kasi ang nanghihikayat kay Rich na sumali sa naturang beauty contest, lalo pa at mas malaki ang chance niya dahil naging runner up siya sa Bb. Pilipinas noon.

Sagot naman ni Rich, hindi niya malimutan ang mga naranasan niyang pressures at hinanakit sa Bb. Pilipinas,

At hanggang ngayon daw, hindi pa rin niya nakukuha ang premyong napanalunan sa Bb. Pilipinas.

Say pa rin ni Rich, never daw talaga niyang pinangarap na maging isang beauty queen at nakumbinsi lang lang daw siyang sumali noon sa Bb. Pilipinas ng ilang close sa kanya.

Isa pa ring klinaro ni Rich ay ang tsika hinggil sa umano ay paglipat niya sa ibang network.

Isinasama raw siya ni Iwa Moto, isa sa close friends ni Rich sa showbiz, na mag-ober da bakod kasi malaki raw ang offer na ibinibigay sa kanya plus isang project na pagbibidahan ni Rich.

Ayon kay Rich, wala raw katotohanan ang naturang tsika at bakit naman daw siya aalis ng GMA7, eh, marami siyang projects na ginagawa sa naturang istasyon. Kung sakali raw na-ramdaman ni Rich na hindi na siya “kailangan” ng GMA7, baka doon niya lang maisipan na maghanap ng suwerte sa ibang istasyon.

Kasama si Rich sa pinakabagong teleserye ng Kapuso na Biritera, kung saan ngayon palang, hinuhulaan nang magiging number one rin tulad nang pinalitan nitong Munting Heredera.

* * *

AND speaking of “lipatan”, isa rin si Glaiza de Castro sa napapabalitang “inaawitan” na rin ng ibang istasyon para mag-ober da bakod.

Sa panayam ng inyong lingkod kay Glaiza, sinabi niyang hindi raw kasi siya interesado sa bagay na ito kaya hindi na lang niya pinapansin ang mga pasaring sa kanya.

Say pa rin ng magandang young actress, napaka-busy niya sa GMA7 para pansinin pa ang alok ng ibang network.

Ayaw daw sirain ni Glaiza ang tiwala sa kanya ng Kapuso Network kaya mananatili siyang loyal dito.

Dagdag pa ni Glaiza, sa Siete na siya nag-grow bilang isang aktres at masaya siya sa ginagawang pag-aala-ga sa kanya ng GMA7. Kaya wala raw nakikitang dahilan si Glaiza para umalis ng Kapuso Network.

Paano naman kung big-yan siya ng talent fee at project na tatlong beses na mas malaki kaysa sa binibi-gay sa kanya ng GMA7 na balitang ganito ang bigayan sa nagsisilipatang artista?

Hindi naman daw kasi lahat ng tao nasisilaw sa pera at baka may ibang dahilan kung bakit kailangan nang lumipat ng istasyon ang isang artista.

At para kay Glaiza, kung sakaling lumipat siya , hindi raw pera ang dahilan.

Bisi-bisihan ngayon ni Glaiza bilang drummer ng banda sa Biritera, na mapapanood sa Primetime Telebabad ng Kapuso Network.