SA mismong bibig ng isa sa bida sa aabangang primetime soap ng TV5 na Valiente  (mapapanood na sa Feb. 13) na si Oyo Boy Sotto na hindi raw pinagselosan ng kanyang misis na si Kristine Hermosa  ang ex-GF niyang si Nadine Samonte.

Kuwento pa ni Oyo, isa pa raw si Nadine sa pinaglihihan ni Kristine at madalas din daw nitong panoorin ang The Sisters, na pinagbidahan ni Nadine sa TV5.

Gandang-ganda raw si Kristine kay Nadine kaya nu’ng sabihin ni Oyo na makakasama niya ang dating dyowa sa Valiente, aprub daw agad si Kristine kaya walang naging problema.

Ibinida pa ni Oyo na ang daddy niyang  si Vic Sotto, na dating kumanta ng theme song ng Valiente, ang siya ring kakanta ng theme song sa remake ng Valiente sa TV5.

Bukod kay Nadine makakasama rin sa powerful cast ng Valiente sina Ms. Jackylyn Jose, Ms. Gina Alajar, Michael de Mesa, Mark Gil, Czarina Suzara, Arvic Tan, Liane Valentino, Ross Pesigan , John Regala, Toni Mabesa, Jim Pebanco, Nina Jose at JC de Vera, mula sa panulat ni Phil Noble at sa direksiyon ng ace director Joel Lamangan.

* * *

Nag-uumapaw  sa sa-ya ang The Big Youth Blowout ng Coca-Cola at Bench noong Sabado ng gabi sa activity center ng Trinoma, QC, na may live streaming sa Internet at may pakontes pa sa Twitter.

Gamit din ang Facebook, ipinakilala rin ang limang Pinay fashion bloggers.

Nagpasalamat naman si Mr. Guillermo Aponte, presidente ng Coca-Cola Philippines, sa walang sawang suporta ng mga Pinoy sa Coke. 

Lalo pang nabuhay ang crowd nang pagpapasiklab ang UE Pep Squad at Philippine All-Stars na lahat ay naka-Coca Cola Originals by Bench na ang mga disenyo ay kaugnay sa pagdiriwang ng ika-100 kaarawan ng Coke sa bansa.

Bongga rin ang ginawang pagrampa ng mga modelo  at artista tulad nina Rocco Nacino, Enzo Pineda, Steven Silva, Joseph Marco, Kathryn Bernardo, Julia Montes at Enchong Dee .

Sina Enchong, Julia, Kathryn at Joseph pala ang bagong liga ng Happiness Ambassadors.

Mabibili ang Coca-Cola Originals by Bench simula ngayong Pebrero 1 sa lahat ng Bench stores.

* * *

May mga sandaling naii-yak pa rin ang isa sa star ng Alice Bungisngis, na  magsisimula nang umere sa GMA7 sa Feb. 6, na si Jake Vargas sa tuwing maiisip ang yumaong ina.

Tsika ni Jake, sobrang close siya sa ina at ito rin daw ang kanyang inspirasyon para magtrabaho nang magtrabaho dahil ito raw ang talagang may pangarap na mag-artista at maging singer siya.

Kaya ngayon daw na marami siyang shows sa Kapuso Network -- ang Party Pilipinas, Mastershowman, Tween Hearts, Pepito Manaloto, at ang aabangang Alice Bungisngis, ang kanyang ina pa rin ang kanyang inspirasyon, pati ang kanyang pamilya.

Kahit wala na ang ina, tuloy pa rin si Jake sa pagtulong sa kanilang pamilya dahil ito raw ang huling habilin nito.