“Ang laki-laki ng pizza” lang ang nasabi ni Regine Velasquez nang makita ang pizza served sa nag-interview sa kanya sa El Buono Pizza para sa Valentine concert nila ni Ogie Alcasid na Mr. & Mrs. A.

Soup diet si Songbird dahil sa pagbi-breastfeed kay Baby Nate.

Lahat daw ay sinasabawan niya, no rice and solid food muna sa kanya para hindi siya maubusan ng gatas.  Natawa kami sa tsika ni Regine na hinahawakan ni Ogie ang lumaki niyang boobs na tila 45 inches na, kaya feeling bold star na siya.

May special participation si Baby Nate sa Valentine concert ng parents niya sa February 14 sa Smart Araneta Coliseum, pero hindi sinabi ni Regine kung ano ang gagawin ng bagets.

Sina Dingdong Dantes at Erik Santos ay may duet, sina Kyla at Angeline Quinto ay may duet kay Regine.  Mala-Dolphy at Panchito naman ang number na gagawin nina Regine at Vice Ganda.

Balik-TV si Regine para i-promote ang concert nila ni Ogie. Sa Sabado, guest siya sa Startalk at Manny Many Prizes.

Sa February 12, nasa Party Pilipinas siya at naka-schedule na rin siyang mag-guest sa Eat Bulaga. 

* * *

Wala si Niña Jose sa presscon ng Valiente dahil nagti-taping ng sitcom nina Jose at Wally sa TV5 kung saan kasama rin si Vic Sotto.

Sabi nito, Vic made her feel special, pero never daw siyang niligawan nito, kaya hindi sila nagkailangan ni Oyo Sotto na isa sa mga bida ng Valiente.

Sayang at hindi suot ni Niña ang silver scapular na bigay sa kanya ni Vic kahit may sentimental value ito sa TV host-comedian nang aming ma-interview.

Ang dala-dala’y ang Bizz News magazine na cover ang BF na si Joseph Calata. Gwaping, worth P2B ang hawak nitong negosyo at suportado ang pag-aartista niya.

Sa February 13 ang pilot ng Valiente sa direction ni Joel Lamangan.

* * *

Tama ang tweet ni Gabby Eigenmann na nakakaiyak ang music video ng Broken Vow dahil totoo at nakadagdag sa ganda ng kuwento ang theme song na one of the saddest songs I ever heard.

Si Julieanne San Jose ang kumanta ng theme song ng bagong afternoon prime ng GMA-7 sa direction ni Gil Tejada Jr. at magpapilot sa February 6, after Ikaw Lang ang Mamahalin.

Tampok sa Broken Vow ang bagong tambalan nina Gabby at Bianca King na sinigurong susubaybayan ng tao ang soap dahil sa kakaibang istorya.

Rape victim dito si Bianca at mas challenging ang role niya bilang si Melissa sa Sinner or Saint.

Happy at thankful ang aktres sa bagong soap na ibinigay sa kanya ng Siyete.

“The best graduation gift for me ang Broken Vow. Feb. 6 ang launch nito, Feb. 11 naman ang graduation ko. My mom is coming on Feb. 10 to attend my graduation.”

Sa tanong kung imbitado niya si Dennis Trillo sa graduation niya, ang mom daw niya ang nag-imbita sa BF na ayaw niyang pag-usapan.

Samantala, excited at ninenerbyos si Gabby dahil hindi siya kontrabida rito at kailangan niyang baguhin ang acting niya.

Kinailangan niyang magpaalam kay Dennis dahil baka magselos ito at ang naisip na approach sa role ay ipakitang totoong in love siya kay Bianca.

* * *

Ready nang magbida si JC Tiuseco and he’s hoping that after Kokak, pagkakatiwalaan na siya ng GMA-7 ng leading-man role.

Maghihintay daw siya na bigyan siya ng lead role at okey sa kanya kahit sino ang ipareha.

Masayang ibinalita ni JC na gagawa na rin siya ng pelikula at dalawa pa. Isa sa Regal Films at isa sa GMA Films na mala-Love Actually.

Samantala, isa kina Maey Bautista at Betong Sumaya ang bet ni JC na manalo sa Survivor Philippines  dahil sila ang may konting kaaway.

Sasali si JC ’pag may All-Star Survivor dahil gusto niyang maglaro.