IDOL na ngayon si Anne Curtis ng mga trying hard na singer.

Ito ay dahil napuno niya ang Smart-Araneta Coliseum concert niya last Saturday. Marami rin ang humanga kay Anne, na talagang kinarir maging singer kahit aminado siyang hindi maganda ang kanyang boses.

Kaya ngayon pa lang, marami na ang gustong sumunod sa kanyang yapak -- ang magkaroon ng concert sa Smart-Araneta kahit hindi sila singer, noh!

* * *

SA show ni Ai Ai delas Alas kamakailan na produced ng National Press Club sa Zirkoh Morato, very happy ang comedienne-actress sa rami ng nanood.

Say ni Ai Ai, nanindig ang kanyang balahibo dahil sa labas pa lang daw nu’ng dumating siya, ang haba na ng pila.

“Kaya inspired talaga akong pasayahin kayo nang husto,” nakangiting sabi ni Ai Ai sa audience.

Guest ni Ai Ai sa show ang hunk actor na si Derek Ramsay, na “binaboy” niya nang husto! Hahaha!

Naaliw ang audience at kinainggitan si Ai Ai dahil sobrang naisahan nito ang dyowa ni Angelica Panganiban.

Imagine, napakanta rin ni Ai Ai si Derek na hindi nito ginagawa sa ibang shows.

“Ganyan kalakas ang power ko,” pagyayabang ng komedyana.

“Utang niya ‘yan na da-pat lang niyang pagbayaran,” hirit pa nito.

Matatandaang unang nag-show si Ai Ai para sa  PMPC at guest dapat si Derek, pero hindi nakasipot ang hunk actor. Nag-sorry naman si Derek at tinanggap ito ni Ai Ai.

* * *

MARAMI ang nagtaka nu’ng walang napanood na Showtime noong Lunes.

Sa mga hindi nakapanood last Saturday, namaalam na sa ere ang hosts, lalo na si Anne Curtis na hindi napi-gilang maiyak. May kapalit naman ang pagkawala ng show nina Anne, Billy Joe Crawford, Vhong Navarro, Vice Ganda, Karylle, Kim Atienza, Teddy Corpuz at Jugs Jugueta. Pansamantala lang daw mawawala ang show na magre-reformat  para ga-wing noontime show na magsisimula sa Feb. 6.

* * *

SURE kaming marami ang natutuwa dahil araw-araw nang mapapanood ang public service-oriented show ni PAO chief Atty. Persida Acosta na Public Atorni: Asunto o Areglo sa TV5. Dahil very interesting ang show, nagwagi na ito ng awards sa iba’t ibang award-giving bodies tulad sa Philippine Movie Press, at FAMAS. Layunin ng Public Atorni na bago umabot sa husgado, tulong si Atty. Acosta at PAO para maa-reglo ang magkabilang panig para hindi na makadagdag sa mahabang listahan ng mga kasong nakabinbin sa korte.

* * *

FAN pala si Doc Manny Calayan ng Face to Face ni Amy Perez.

Kaya hindi nakapagtatakang ang magaling na TV host ang bagong celebrity endorser ng Calayan Surgicentre.

Kasama si Rowena Salido, na presidente ng Backroom, Inc., at road managers niyang sina Leo Puri at Mary Anne Sta. Ana, pumirma si Amy ng kontrata sa Calayan, na say ng TV host, may kalakihan ang TF, huh!

Inamin ni Amy na na-in love siya serbisyo ng Cala-yan kaya hindi siya nahira-pang magdesisyon na lumipat.