Walang kagatul-gatol na tinawag na “baliw” ng January cover girl ng FHM na si Ellen Adarna ang ex-beauty queen na si Ma. Isabel Lopez, na nakasama rin niya sa Survivor Celebrity Doubles Edition.

Matatandaang nagkaroon ng iringan sina Ellen at mag-inang Ma. Isabel Lopez at Mara Yokohama, na nauwi pa sa pagpapalitan ng maaanghang na salita, hanggang magdesisyong mag-quit na lang sa Survivor si Ellen.

Pero nilinaw ni Ellen kung bakit “baliw” ang tingin niya kay Ma. Isabel. Very interesting daw kasi ang character ng beauty queen/actress.

Pero mas galit na galit daw si Ellen sa Phil. Volcanoes player na si Arnold Aninion dahil sa sinabi umano nitong hindi naman sila sikat ni Filo Cucueco, ang dyowa ni Ellen.

At sinabi raw nitong kung gusto daw nilang sumikat, gumawa sila ng sex video.

Say ni Ellen, napaka-disrespectful sa babae ang sinabi ni Arnold, kaya hinding-hindi raw niya mapapatawad ang rugby player.

* * *

HINDI man daw nakarating sa birthday party ni Kylie Padilla ang napapabalitang dyowa niyang si Aljur Abrenica, may regalo naman daw ang aktor sa dalaga ni Robin Padilla, na ayaw nang i-reveal ni Aljur kung ano.

Mas maganda raw kasi na si Kylie na lang ang magsabi sa mga magtatanong kung
ano ito.  Basta galing daw ito sa puso dahil espesyal sa kanya si Kylie. Ipinaliwanag ni Aljur na may trabaho siya kaya hindi nakapunta sa party ni Kylie.

Tinawagan naman daw niya ang dalaga para nag-sorry at naunawaan naman daw siya nito.

* * *

Bongga ang TV5 prime artist na si Meg Imperial dahil tatlo ang suitors nito na galing sa three different TV stations, huh!

Tsika ni Meg, mas desidido raw siyang mapasa-got ng manliligaw niyang taga-TV5, kumpara doon sa taga-Dos at Siyete.

Pero giit ni Meg, since 19 years old pa lang siya, wala pa raw siyang balak na makipagrelasyon.

Naka-focus daw siya sa kanyang gumagandang career lalo pa at nasa cast siya ng Bagets at Glamorosa ng TV5.

* * *

Maganda ang mensahe at nilalaman ng Music and Me album ng kambal na sina Roland at Rovince o mas kilala bilang Mon-terozo Twins.

Ito ay under Viva Records at nakapaloob sa album ng twin, na alaga rin ni kaibigang Henry Hernandez ang mga kantang Crush na Crush Kita, Music and Me, Walk With Faith In Your Heart, Staying Together  at Screenagers.