May isyu pala sa taping ng Kokak last Friday, pinaalis lang kami at saka nagka-isyu at involved si Jessa Zaragosa at tita raw ni Sarah Lahbati. Umiyak daw si Jessa nang paalisin sa tent na sini-share nila ni Sarah dahil para lang kay Sarah ’yun dahil siya ang bida ng soap.

Tama lang na nag-sumbong si Jessa sa staff ng Kokak at ang ending, banned sa tent ni Sarah ang tita nito. Nauna na sa Switzerland ang mom ng dalaga dahil may show ito sa Geneva sa February, kaya ang tita nito ang sumama.

Sayang kung dahil lang sa tent, magkakaroon ng isyu kina Sarah at Jessa, maganda pa naman ang samahan ng dalawa. Puring-puri pa naman ni Jessa si Sarah dahil mabait at hindi pa-star.

* * *

Umiyak si Isabel Oli nang mag-guest sa Showbiz Central dahil nasasaktan for her family na nasasaktan sa sinabing may third party sa part niya kaya nag-break sila ni Gab Valenciano. Ayaw na niyang magsalita sa kanila ng ex at gawin na raw nito ang gustong gawin at pati ang pagkaka-link nito sa iba’y ayaw nang mag-comment.

Nagkuwento rin si TJ Trinidad tungkol sa pagpapakasal last December 28, ginawa raw nilang private ang wedding nila ni Marga Valdes dahil private silang tao at pamilya nila. Sa description ni TJ sa misis, obvious na mahal at very proud siya.  

Absent si Aljur Abrenica sa birthday party ng GF niyang si Kylie Padilla at trabaho ang rason. Sabi ng actor, babawi na lang siya, siguro sa 1st anniversary nila sometime in February at sana, umamin na sila.

* * *

Makakausap namin mamaya sa presscon ng Alice Bungisngis si Derrick Monasterio at kukumustahin namin kung nag-tweet na sa kanya si Ellen Adarna.   Nakita nito ang January issue ng FHM magazine at agad nag-tweet na “hot” si Ellen at gusto niyang makilala. Nag-tweet siya rito, pero hindi siya sinagot. Obvious na type ni Derrick si Ellen at hindi yata nito alam na ka-live in nito ang BF na si Filo Cucueco.

Maitanong din kay Derrick kung alam niyang may twist daw sa Alice Bungisngis at magiging sila ni Bea Binene at sina Jake Vargas at Lexi Fernandez na tsika sa amin, may relasyon in real life.

* * *

Nakakatuwa na ang childstars at kontrabida ng Munting Heredera ang pinagpo-promote sa pagtatapos this week ng family drama. Sina Gabby Eigenmann, Neil Ryan Sese, Ynez Veneracion at childstars na sina Mona Louise Rey, Migs Cuaderno, Kyle Ocampo at Barbara Miguel ang nagpaalalang last week na ng soap.

Mamaya sa Muher, isinugod sa ospital si Simeon, ligtas naman si Sandra (Camille Prats). Dinala si Michelle (Kyle Ocampo) sa ama at ibibilin ni Simeon ang anak sa mga Montereal, galit si Michelle sa pagkamatay ng ama.

Babangon si Desmond sa kinahihigan sa mental hospital, alam na nitong patay na si Claire (Ynez Veneracion) at parang baliw nang makita ang itsura sa salamin.

Kay Michelle muna ang atensyon ni Sandra at okey ito kay Jennifer (Mona Louise Rey) dahil kasama niya si Manny (Roderick Paulate). Mapapansin ng bata ang mga pasa ng ama-amahan.