NALILITO kami sa plugging na ginagawa ng ABS-CBN lalo na nu’ng may pinadala silang press release na mapapanood pa rin ang Showtime after Kris TV.

Sa kanilang plug, Kapamilya Blockbuster ang ipapalabas everyday starting this Monday at 10 a.m., then susundan ito ng dramang Mundo Man Ay Magunaw.

Pero may balitang imo-move ng timeslot ang Showtime at mapapanood na ito sa tanghali. Ano ba talaga?

Anyway, first time ata ng ABS-CBN na maglagay ng seryosong drama sa timeslot na 11:30 ng tanghali. At take note, hindi basta-bastang drama ang Mundo Man Ay Magunaw dahil casting coup ito, huh!

Nariyan si Eula Valdez, Empress, Tessie Tomas, Ejay Falcon at Nikki Gil. Palaban din at matapang ang teaser nito na bagay sana sa primetime.

* * *

Kung noon ay puro girls lang ang humahanga kay Gerald Anderson, iba na ngayon.

Mula kasi nang gawin ni Gerald ang teleseryeng  Budoy sa ABS-CBN, naging instant idol na siya ng mga bata.

Sey nga ng isang nakausap naming madir, “Paborito siya ng mga anak ko pati ’yung mga pauso niyang ‘Be Happy! Be Budoy.’ Okey rin siya para sa akin kasi good influence si Budoy sa mga estud-yante dahil mahilig mag-aral.”

Dagdag pa ni nanay na bilib na bilib sa show ni Gerald, “Sa sobrang pagka-gusto nga ng isang anak ko kay Budoy, gusto na rin niyang makasali sa contest na parang Pilipinas IQ.”

At dahil nga marahil sa pagiging role model na ito ni Gerald, no doubt isa siya sa mga stars na kinilalang  Favorite Anak TV Makabata Star ng Anak TV Seal Awards last year.

* * *

PORMAL nang ipinakilala bilang Kapamilya si Iza Calzado sa ASAP 2012 kahapon.

Excited si Iza sa mga nakaline-up na project sa kanya ng ABS-CBN lalo na sa teleseryeng nakatakda niyang gawin.

Sa pag-alis ni Iza sa GMA-7, makakaroon na naman ng shortage sa leading ladies ang naturang TV network.