NAPAKA-COOL na ama ni Marvin Agustin. Personal na na-witness ’yon ng press nang mag-celebrate ang actor ng birthday at 15th showbiz anniversary sa Enchanted Kingdom kasama ang pamilya ng mga batang natulungan niya through Operation Smile at ang kambal niyang sina Sebastian at Santiago.

Parte ng selebrasyon ang isang kiddie cooking demo kung saan nagluto si Marvin mismo ng chicken soup. Katu-katulong niya ang kambal na gaya ng normal ng mga bagets, eh, bibo at mausisa.

Halatang may interes din sina Sebastian at Santiago sa pagluluto dahil talagang nakikialam sa ama. Muntik pa ngang mahulog ang isa sa kanila sa upuang tinungtungan, kaya dialogue ni Marvin: “Baka mahulog kayo d’yan, may tama kayo sa ’kin mamaya,” na ikinatawa ng mga naroroon.

Game na game ring nakisalamuha ang tatlo sa mga bisita’t naki-join pa sa parlor games na hinanda nu’ng hapon na iyon ng Sabado.

Bukod sa kiddie cooking session at parlor games, nagkaroon din ng story telling portion at libreng ride passes sa lahat ng atraksyon sa Enchanted Kingdom.

Namataan din sa okasyon ang ilang malapit na kaibigan ng actor para magbigay ng suporta. Kabilang dito sina Bobby Yan, Tonton Manlongat, atbp.

Kahapon ang actual birthday ni Marvin.