Muling nagbunga ang magandang paglilingkod-bayan ni Laguna Governor Jeorge ER Ejercito.

Kamakailan kasi ay pinarangalan siya ng Rotary Club Cubao East, Countrywide Development Foundation at ng Philippine Jaycees. Pinarangalan si Gov. ER bilang isa sa Outstanding in Public Service ng TOP-LEAP na idinaos sa AFP Commissioned Officers Clubhouse, Camp Aguinaldo.

Tumanggap na rin si Gov. ER ng Presidential Lingkod Bayan Award mula sa Malacañang dahil sa epektibong pagsusulong ng kanyang Kinse Kumpleto Serbisyo Publiko Kontra Kahirapan at Gutom.

* * *

Tulad ni Gov. ER, isa pang hindi matatawaran ang magandang gawain at pagtulong sa ating mga kababayan ay si Kuya Daniel Razon, na ginawaran din ng TOPLEAF ng “Philantropist in Journalism.”

Hindi lang siya broadcaster, kundi isang taong bukas ang palad sa mga taong na-ngangailangan, lalo sa mga kapatid niya sa hanapbuhay. Kaya nga tinawag si-yang “Mr. Public Service” dahil na rin sa kanyang advocacy na “Kahit Isang Araw Lang” na tungkol sa paggawa ng magandang gawain dahil nagbubunga ng kabutihan.

Kaya saludo kami kina Gov. ER at Kuya Daniel!

* * *

Napag-uUsapan na rin lang ang pagbibigay ng parangal, dapat ding papaurihan si King Of Talk Boy Abunda. Kabilang na kasi siya sa Hall of Fame ng Star Awards dahil sa rami ng tropeong nakuha bilang Best Male Showbiz Talk Show Host.

Recently, malaking parangal din ang natanggap ng programa niyang The Bottomline With Boy Abunda  sa Asian Television Awards na ginanap sa Singapore.

Aminado si Kuya Boy na natulala siya ng manalong Best Talk Show ang Bottomline, pero napasigaw din siya sa tuwa.

At sa sobrang katuwaan, ang tanging natandaan niya na nasabi niya sa kanyang acceptance speech ay: “I dedicate this trophy to my beloved country, the Philippines.”

’Yun na!