Masayang nakipagtsikahan si Batangas Governor Vilma Santos sa ilang showbiz writers after ng oathtaking ng mga bagong  halal na officers ng PMPC. Nasabi ni Ate Vi na gusto niyang magdirek ng isang pelikula hango sa sarili niyang idea na mangyayari ang istorya sa isang araw lamang.

Hindi nga lang daw niya ito magawa sanhi ng kanyang hectic schedules bilang gobernador, artista, wife and mother to sons Luis and Christain. In fact, pati daw weekends ay nagagamit para sa shooting niya for Star Cinema titled The Healing.

* * *

Tuwing Miyerkules pala ang Bible study ni Boxing Champ Manny Pacquiao sa bahay nila sa Laguna. Pero kahit noon pa ay talagang madasalin na si Pacman lalo na bago ito sumalang sa bawat boxing fight niya sa Las Vegas.

Maski nga sa kanyang Manny Many Prizes tuwing Sabado night sa GMA-7 primetime ay laging bukambibig niya sa mga lucky winners at audience ang mga katagang, “Pasalamat lagi tayo sa ating Panginoon.”

* * *

Isa mula sa Team High Voltage members at eviction nominees na sina Carlo, Divine, Joya at Wendy ang papauwiin ng taumbayan sa ikapitong eviction night ng Pinoy Big Brother Unlimited kagabi.

Ngunit para sa ilang ex-housemates na minsan nang nakasama ang nominees para sa linggong ito, nararapat na raw mapauwi sina Wendy at Carlo.

Para sa ex-housemates na sina Luz at Erica, hindi raw magandang ehemplo para sa mga manonood sina Wendy at Carlo dahil sa mga ipinakikita nila.

Tamang panahon na nga ba para lisanin nina Carlo o Wendy ang kumpetisyon, o mas nararapat nang palayasin sina Joya at Divine? Sino ang kulang pa ang napapatunayan sa loob ng Bahay ni Kuya?