LAST day na ng E-Live kahapon sa ABS-CBN. Papalitan ito ng Showbiz Inside Report na ang hosts ay sina Janice de Belen, Carmina Villarroel, Ogie Diaz at Joey Marquez.

Si Ogie lang ang bukod-tanging host na na-retain sa SIR. Ayon sa kanyang tweet, natapos man ang E-Live, pero hindi raw do’n natatapos ang friendship nila ng iba pang hosts nito na sina Bianca Gonzales at Luiz Manzano.

* * *

BUKAS (Jan. 30) naman ang simula ng airing ng Mundo Man Ay Magunaw.    Maituturing na isang casting coup ang nasabing teleserye dahil sa bago at kapana-panabik na   kombinasyon ng mga artista.

Ang Mundo Man ay Magunaw ay pagsasamahan ng ilan sa mga pinakamahuhusay na batang aktor at premyadong artista ng bansa kabilang sina Empress, Nikki Gil, Ejay Falcon, Sylvia Sanchez, Allan Paule, Pinky Amador, Jason Gainza, Dianne Medina, Alex Castro, Tessie Tomas at Eula Valdes.

Ayon kay Eula, marami ang makaka-relate sa kuwento ng kanilang bagong show, lalo na ang mga ina.

“Ang karakter ko dito ay isang mapagmahal na ina na handang gawin ang lahat para makasama ang mga anak niya.”

Masaya naman si Empress sa panibagong pag-kakataong bumida sa panghapong teleserye ng ABS-CBN.

"Excited akong mapa-nood nila ito kasi ngayon lang ako gagawa ng mas mature na role. Mabuting anak ako dito pero pala-ban. Kakaiba rin dito si  Ms. Eula dahil parang ngayon lang siya hindi kontrabida,” ani ni Empress.

* * *

MARAMI ang nangungulit sa creative head ng teleseryeng Budoy na si Rondel Lindayat kung totoo bang mamamatay si Budoy played by Gerald Anderson sa ending ng teleserye.

“tiyak na babaha ng luha para sa mga loyal viewers ng Budoy sa ending nito. Pero siyempre hindi namin pwedeng sabihin ang actual scenes.

“Dapat abangan ng lahat kung anong idudulot na pagdurusa ng tumor na tumubo sa utak ni Budoy. Basta sa ending, magiging mas masaya na si Budoy.”

Bukod sa ending, naikuwento rin ng creative head ng Kapamilya Network ang inspirasyon ng pagkakabuo ng kuwento ni Budoy, na ayon sa kanya’y ideya ni Charo Santos-Concio, no less than the president of ABS-CBN.

“Actually nang binuo ang kuwento, hindi sinabi ni Ma’am Charo na ‘gumawa kayo ng Budoy.' Ang sinabi niya lang, ‘gusto ko ng show na magta-tackle sa education. Gusto ko ng show na mag-e-engganyo sa mga bata na mag-aral,” he said.

Sa research daw kasi nila, ’yung mga bata raw sa public schools ngayon, mas pinipili nang magtrabaho keysa mag-aral para makatulong na agad sa pamilya. Du’n daw pumapasok ang mensaheng gustong iparating ni Budoy.