TUMABA raw si Gwen Zamora habang sinu-shooting ang nakaraang filmfest entry na Enteng Ng Ina Mo nina Vic Sotto at Ai-Ai delas Alas. Biro nga ng press na kumausap sa kanya sa press launch ng kinabibilangan niyang show na Biritera, hindi niya talaga makalimutan ang muli nilang pagsasama ni Vic, huh!

“Eh, doon nga kasi ako tumaba! Ha! Ha! Ha!” rason ng baguhang aktres.

Bakit patuloy pa rin silang nali-link ni Bossing?

“Weehhh! Kami pa rin? Akala ko sila ni… Wala akong alam,” sey niya.

Nali-link pa rin nga sila, huh!

“Haba ng hair ko! Ha! Ha! Ha!” saad niya.

Pero may tsismis na kapag out-of-town shooting, magkatabi silang matulog ni Vic.

“What??? Hindi, hindi. That was when there were no more rooms where we were staying! Pero nandoon naman ang PA ko, yaya ko, saka mga aso ko. Sa Tanay tapos, separate beds naman. Pero we were a lot in the dressing room. Pero one scene lang ako doon kaya hindi ako natulog doon!” katwiran ni Gwen.

Ano ’yung chika na natulog siya at one room sila?

“Hindi po. Kasi one scene lang ako roon sa Tanay. One room but different bed,” sagot ng baguhang aktres.

Bakit patuloy pa rin ang pagbibigay malisya sa friendship nila ni Vic?

“Hindi ko talaga alam. Bakit?” balik-tanong niya sa amin.

Alam ba niyang meron nang ibang babae si Vic?

“I know but it’s not my problem!” katwiran ni Gwen.

Ano ang feeling niya?

“I feel the same! How should I feel? Ha! Ha! Ha!” halakhak niya.

Naramdaman ba niyang pinagseselosan siya ni Pauleen?

“Ay, hindi! When I guested in Bubble Gang at Eat Bulaga, mabait naman siya. Same, same!” pahayag ng young actress.

Mas pabor daw sa kanya si Oyo Sotto kesa kay Pauleen.

“Ganoon? Ay hindi, kasi pinaglutuan ko sila after  Christmas. Sina Bossing, Oyo at Kristine (Hermosa). Tomato pasta, Italian style!” chika ni Gwen.

Pinagluluto niya pala si Bossing, huh

“Hindi. I just brought food in set where I cook also. Wala siya sa set kaya medyo siya nagtampo kaya nagluto ako!” dahilan ni Gwen na first time naman makakapareha si Dennis Trillo sa Biritera.

* * *

LAGING naghahabol kay Sharon Cuneta ang bunsong anak na si Miguel tuwing umaalis siya ng bahay. Gaya na lang nu’ng Friday na may schedule na meeting ang megastar tungkol sa mga trabahong gagawin sa susunod na buwan. Kinunan pa nga niya ng Twitpic ang anak na naglalambing at ayaw siya paalisin, huh!

Pero siyempre, naiwan din ni Shawie ang anak so pati ang resulta ng meeting niya sa Viva ay meron siyang updates.  Eh, nabura na sa timeline namin ang mensahe niya kaya ’yung ilang facts na lang ang write namin.

Binanggit ni Sha sa Twitter niya ang hindi pagkakatuloy ng reunion movie nila ng ex husband na si Gabby Conception. Buong ningning na kanyang in-announce ito sa presscon ng pre-Valentine show nila ni Martin Nievera na Once In A Lifetime sa Araneta Coliseum.

May himig ng panghihinayang din ang naramdaman ni Sharon sa pagkakaunsyami ng project.  Wala siyang dahilang ibinigay pero sinabi niyang wala siyang kinalaman sa pangyayari.  Maging siya ay na-disappoint kaya pinaalalahanan niya ang fans nila na baka   not meant ang muli nilang pagsasama ni Gabo.

Napawi ang lungkot ni Sharon nang malaman niyang paganda nang paganda ang TV show niya sa TV5 bale sa detalyeng inilatag sa kanya sa meeting, huh!

Wala pang date, oras at title ng show ng megastar pero ’yung makaramdam siya ng excitement ay malalaking bagay na kay Sharon!