GANDANG-GANDA si Richard Gutierrez sa sexy pictorial ni KC Concepcion sa latest cover ng isang magazine.

Super-sexy kasi dito si KC sa suot na one-piece bathing suit habang may hawak-hawak na pugot na ulo at medyo nakatalikod kaya kuhang-kuha ang katambukan ng puwet.

Say nga ni Richard nang makita ang said magazine, nais niyang muling makatrabaho si KC. ‘Yun nga lang malabo pa sa ngayon dahil nasa kabilang network ang magandang anak ni Sharon Cuneta.

Bukod kay KC, feel din ni Richard na makasama ulit sa isang teleserye ang dati niyang leading lady sa GMA Network and Films na si Angel Locsin.

Marami-rami na rin kasing projects ang pinagsamahan nilang dalawa, tulad ng Mulawin (GMA Network), I Will Always Love You, Let the Love Begin, at ang huli ay The Promise  (GMA Films).

Speaking of projects, out na raw muna si Richard sa mga fantaserye na madalas niyang sa GMA7, tulad ng Zorro, Captain Barbell, Lupin at iba pa.

Say ni Richard, sa pakikipag-usap niya sa mga big boss ng Kapuso Network, feel naman niyang sumabak sa drama.

Sabagay, bibihira nating mapanood si Richard sa mga eksenang ma-drama, kasi nga pulos action ang kanyang ginagawa, and lately, hosting jobs, tulad sa Survivor Philippines.

*  *  *

NAGING kaugalian na ng mabait na broadcaster na si Kuya Daniel Razon ng UNTV ang magbigay ng magarbong pagtitipon para sa mga press people.

Kamakailan lang, muling nagtipun-tipon ang press people from the entertainment and sports, kasama na rin ang photographers sa tinawag niyang  “Press Night.”

Super-saya ang affair at siyempre nag-enjoy ang lahat sa masarap na pagkain  at raffle prizes, kung saan ang grand prize ay tatlong P10 thou cash, huh!

Maging sa parlor games na ginawa ng UNTV para sa press people, inenjoy ng lahat.

Lalo na sa portion na “Press Got Talent” kung saan ipinahula sa press people ang nawawalang lyrics ng kanta.

Sa maikling talumpati ni Kuya Daniel, labis-labis niyang pinasalamatan ang lahat ng press na laging sumusuporta sa kanya at sa mga programa ng UNTV.

Nangako siyang ipagpapatuloy ang pagbibigay ng  suporta sa alinmang organisasyon ng press na nangangailangan ng medical o kaya ay legal help.