KAHIT nasa ibang bansa si dating Paparazzi at Juicy host Mo Twister, gumagawa pa rin ito ng ingay, on his own way.

Usap-usapan ngayon ang pagti-tweet umano ni Mo tungkol sa pagdi-date daw nina Pangulong Noynoy Aquino at GMA news anchor  Grace Lee noong isang gabi.

Pareho namang hindi nagsasalita ang magkabilang panig tungkol sa isyung ito sa kanila.

Teka, baka naman narito lang sa Pilipinas si Mo dahil marami siyang nalalamang kaganapan sa showbiz man o sa pulitika?

* * *

NGAYONG hindi na dabarkads si Iza Calzado ng Eat Bulaga, may usap-usapang si Jennylyn Mercado umano ang magiging kapalit nito.

Pero agad naman itong itinanggi ni TAPE, Inc. executive/manager Malou Choa-Fagar.

Ayon kay Tita Malou, wala raw negosasyong nagaganap between them at sa kampo ni Jen para maging host ito ng Eat Bulaga.

* * *

HALOS 11 porsiyento sa kabuuang populasyon ng bansa ang nasa ibang bansa para doon magtrabaho at mabigyan ng magndang buhay ang kani-kanilang pamilya. At sa pagtatrabaho nila sa iba’t ibang panig ng mundo, natutulungan din nilang iangat ang ekonomiya ng Pilipinas.

Pero kahit nasa ibang bansa, marami silang kinakaharap na problema at isa na rito ang homesickness. Maliban sa pangungulila, ang iba sa kanila ay biktima ng matitinding pang-aapi tulad nina Sarah Balabagan, Flor Contemplacion at sa tatlong OFWs na pinatawan ng kamatayan sa China kamakailan lang.

Pero may isang programa na malaking instrumento para maipaabot ang sitwasyon ng OFWs, maganda man ito o hindi.   

Ito ang pagsaludo ng Millicent Productions sa ating OFWs at sa kanilang pamilya via Buhay OFW, mapapanood tuwing Sabado, 10 pm, sa Aksyon TV, and hosted by TV personality and public servant Marissa del Mar. Maglalabas ang Ang Buhay OFW ng mga impormasyon tungkol sa ahensiya ng gobyerno, pati ng NGOs, manpower agencies at mga taong naatasang sumuporta sa OFWs.