Halos kumpleto na ang cast ng Palibhasa Lalaki sa ABS-CBN. Ang pinakahuling nagbalik sa Kapamilya network ay si Joey Marquez. Nauna lang sa kanya nang kaunti si Richard Gomez na sinundan naman ni Carmina Villarroel.

Ang iba pa na sina Jomari Yllana at John Estrada ay nasa ABS-CBN din at may kanya-kanyang proyekto.

Last January 26, pumirma ng kontrata si Joey sa ABS-CBN. Sa kanyang TV interview ay sinabi niyang dream niya ang makabalik sa Kapamilya network kaya naman nasorpresa raw siya nang bigyan siya ng offer.

“Nice to be home,” sambit ni Joey.

Ayon sa aktor-komedyante, hindi naging mahirap ang magdesisyong tanggapin ang offer.

“Sabi nga natin, kahit saan tayo umikot, babalik din tayo sa bahay. I consider ABS-CBN as my first and my only home,” he said.

Aminado siyang na-miss niya ang fun being a Kapamilya, especially during Palibhasa Lalaki days.

“I really miss it kasi we’re not really working, it’s more of a reunion every week. We’re not really reading the script but rather, we’re doing it in our own experience, eh.

“So, I guess it’s one of making a successful show. It comes out naturally so people can relate to what you’re doing.”

Ang comeback project ni Joey sa ABS-CBN ay ang talk show with Carmina and Janice de Belen with Ogie Diaz.

Nang tanungin kung sino ang kanyang dream interview, aniya ay si ABS-CBN president Charo Santos-Concio dahil gusto niyang malaman ang sikreto ng tagumpay nito at gusto rin niyang ipaalam ito sa tao.

Ang pinaka-intriguing question sa kanya ay kung willing ba siyang interbyuhin ang dating karelasyong si Kris Aquino na sinagot naman niya ng, “Depende if the person allows.

“Ako naman, willing, kasi sabi ko naman, it’s all work. There are no boundaries when it comes to work. I’d like to exceed the expectations of the network kung ano’ng gusto nilang gawin ko.”

He also added, “Trabaho lang naman, eh, so, lahat ng puwede kong interbyuhin, kung pumayag, thank you very much. Kung hindi, I understand that.

“I’m not doing it for my personal interest, I’m doing it for the interest of the public, who would like to know what’s happening. Walang problema sa akin.        

“Sabi ko, it’s beyond my control kung sinong maggi-guest dito. Sabi ko, I will just abide by what they want me to do in such na I can modify it for the viewers’ pleasure. It all depends on the other party kung gusto magpa-interview.”

Natanong din si Joey kung nagkaroon na ba ng chance na makapag-usap sila since nangyari ang kanilang kontrobersyal na paghihiwalay and he replied, “I guess she’s very happy right now and I would like to be respectful. I am very happy for people who are happy today.”

Well, tiyak na aabangan ng lahat ang paghaharap ng dalawa either sa Kris TV or sa bagong show nina Joey, Carmina, Janice at Ogie.

* * *

Magsasanib-pwersa ang lima sa pinakamagagaling ng performer sa bansa na sina Jose Manalo, Wally Bayola, Gladys “Chuchay” Guevarra, Duncan Ramos at Aiza Seguerra ngayong January 28 sa isang show sa Zirkoh, Tomas Morato.

Bongga talaga ang casting dahil bihirang mapagsama-sama ang limang sikat na performers sa iisang show.

Titled X5 (hango sa pelikulang X-Men), kumpletos recados ang show dahil may comedy na, may kantahan pa at siyempre, hindi mawawala ang pag-i-impersonate sa mga kilalang personalidad.

Show starts 10 p.m.

Para sa tiket, tumawag lang sa Zirkoh sa 376-7287 o SM Tickets, 470-2222.