MASAMA ang loob ng isang veteran TV director sa mga taong namamahala sa network na pinaglingkuran niya ng mahigit dalawang dekada. 

Feeling ng director, iniitsapuwera na siya sa ilang directing jobs at ibinibigay ito sa mga kamag-anak ng network.

Kapansin-pansin kasing limitado na ang directorial assigments ng director. Pero ’yung members ng Kamag-anak, Inc., hindi lang asawa kundi pati anak, nabibiyayaan na rin ng TV show, huh!

Hindi nga lang puwedeng lumayas ng director sa network dahil meron pa siyang ibang trabaho sa istasyon na hindi pa napipirata sa kanya, huh!

At least, meron pa siyang power kahit hindi totally 100 percent.

* * *

LOOKING forward sina Joey Marquez, Carmina Villarroel at Janice de Belen na magkaroon ng reunion silang mga artista ng yumaong si Douglas Quijano lalo na’t bukod sa kanila, nasa Dos na rin sina Richard Gomez,  Eric Fructuoso at Jomari Yllana.

Ang problema na lang nga ay si Amy Perez kung papayagan ng TV5 at si Gloria Romero naman, kinontrata na raw ng GMA Network after magbida sa hit series na Munting Heredera.

Pero sina Joey, Janice at Mina, pasok sa bagong talk show na The Showbiz Inside Stories (TSIS) kapalit ng E-Live, pero ang isa sa hosts ng show na si Ogie Diaz, makakasama pa rin nila.

* * *

NAKATAKDANG lapastanganin ni Rico J. Puno ang Newport Performing Arts ng Resorts World Hotel sa Valentine show niya sa February 14 na The Best of Rico J. Puno, A Valentine Concert.

Eh, kasama pa niya sa show ang katakam-takam pa ring si Katya Santos at ang tinaguriang “Vamp” na si Vernie Varga, kaya asahang muling lulutang ang kalandian at kalokohan ni Rico sa stage, huh!

Pero alam ba ninyong kinuha ang pangalan ni Rico sa legendary Italian tenor na si Enrico Caruso at birthday niya mismo ang February 14?

Mula sa pagputok ng English/Tagalog rendition ni Rico ng The Way We Were ni Barbra Streisand, hindi na napigil ang kanyang kasikatan mula noon hanggang ngayon.

Handang kantahin ni Rico ang major hits niya sa Valentine show gaya ng Kapalaran, Buhat, Damdamin, Lupa, May Bukas Pa at iba pa.

Pero mas mag-expect sa kabaliwang hatid niya sa Araw ng mga Puso.

Para sa tickets, makakabili sa Resorts World at sa Ticket World, 891-9999.    Mula sa Viva Concerts and Events production ang The Best of Rico J. Puno.