SA Lunes (Jan. 30) pa magkakaroon ng pormal na announcement ang ABS-CBN kung ano ang pagbabagong mangyayari sa programang Showtime na ipapalit sa  timeslot ng Happy Yipee Yehey.

Ayon kay Bong Osorio, kasalukuyan pang ipini-present sa ABS-CBN management ang mga bagong konsepto ng show at kung sinu-sino ang hosts na madaragdag sa programa.

Mukhang hindi rin totoong isasama sa Showtime sina Toni Gonzaga, Pokwang at John Estrada katulad ng mga napapabalita.

“Ang alam ko, lahat ng mawawalan ng show dahil sa Showtime, bibigyan ng iba-ibang assignments,” paniniguro pa ni Bong.

Samantala, hanggang ngayong Sabado na lang mapapanood ang E-Live dahil papalitan na ito ng bagong program next Saturday na SIR (Showbiz Inside Report) hosted by Janice de Belen, Carmina Villarroel and Ogie Diaz.

* * *

Maraming kuwento ang creative head ng Budoy na si Rondel Lindayag. Malalim pala ang pinaghugutan ng kuwento at hindi basta-basta lang sinulat para magkaroon ng bagong soap ang isang artsita.

“Last year, napabalita na bumaba ang literacy rate ng Pilipinas, bumababa ang antas ng edukasyon. ’Yung English dati, tayo ang number one, pero ngayon, wala na. Kaya sabi ni Ma’am Charo (Santos-Concio) kailangan 'yung mga bata ay ma-inspire muling mag-aral,” kuwento  ni Rondel.

Dagdag pa niya, “From the start, education na talaga ang gustong ipromote ng Budoy. Pero siyempre, ’pag may advocacy 'yung show, hindi mo naman sinasabi, ’di ba? Hahayaan mo na maramdaman ’yan ng audience.”

At dahil value of education nga ang pangunahin nilang mensahe, bakas ito maging sa kanilang script.         In fact, generous si Rondel na shinare na ang bahagi ng speech ni Gerald na tiyak na aantig na naman sa puso ng TV viewers.

Sey ni Budoy, "Hindi porke’t mahirap, wala kayong laban. ’Pag meron kayong pinag-aralan, may laban kayo, kaya ninyong lumaban sa kahit na sino. Kahit anong estado niyo sa buhay, mag-aral kayo. Walang laban ang pera kung may pinag-aralan kayo.”

Eh, ano nga bang moral lesson ng Budoy?

“Gustong sabihin ng programa, gamitin mo ang talino mo sa tama. Ang pinaka-lesson ng Bu-doy ay ‘mag-aral ka.’ Tapos number two, ‘be simple,’” pagbabahagi pa ni Rondel.

* * *

Magsasanib-puwersa ang lima sa pinakamagagaling na performer sa bansa —   Jose Manalo, Wally Bayola, Gladys Chuchay Guevarra, Duncan Ramos at Aiza Seguerra — sa isang bonggang pagtatanghal na pinamagatang X5, hango sa pelikulang X-Men.

Magaganap ito sa Sabado, 10 p.m., sa Zirkoh Tomas Morato.

Kumpletos rekados ang show dahil may comedy na, may kantahan pa at siyempre, hindi mawawala ang pag-i-impersonate sa mga kilalang personalidad.

Siguradong "5 times the fun, 5 times the laughter" ang show at sulit na sulit talaga and ibabayad ninyo.

Para sa tiket, tumawag lang sa Zirkoh sa 376-7287 o SM Tickets, 470-2222.