SA Paparazzi last Sunday, nabangggit ni Ruffa Gutierrez na shelved na ang teleseryeAlta ng ABS-CBN.

Ayon pa sa Paparazzi host, hindi na umano ma-tutuloy gawin ang napakaganda sanang proyekto dahil sa mga aberyang nangyayari.

Hindi na ini-specify ni Ruffa kung anu-ano ang mga ito.

Pero nakakapanghina-yang kung tutuusin dahil maganda ang casting nito -- Gretchen Barretto, Angelica Panganiban at KC Concepcion.

Isa kaya sa dahilan ng problema ay ang hindi pagkakasundo ng lead stars dito?

Anyway, nabanggit din ni Ruffa na maging si Gretchen, nanghihinayang sa project.  Kasi naman, pinaghandaan pa naman daw niya ito.

In fact, nakabili na nga raw si La Greta ng mga dapat sana’y gagamiting damit at nakapag-workshop na rin para sa naunsyaming project.

* * *

CERTIFIED Kapamilya na si Iza Calzado after pumirma ng 3-year contract sa naturang istasyon.

“This is time for me to grow, to evolve, to learn. I think it’s just a matter of timing and I’ve always wanted to work again with the people from Channel 2. Kasi noong nag-Star Cinema ako for Milan, sabi ko, one day I’m sure I will work with them again. At ito na ‘yun,” say Iza sa interview.

Sa kontratang pinirmahan ni Iza, gagawa siya ng isang teleserye, reality show at pelikula. May speculation din na baka sa kanya mapunta ang second season ng The Biggest Loser Pinoy Edition reality show, na si Sharon Cuneta ang unang nag-host bago lumipat sa TV5 ang Megastar.

“It’s just a business, and at some point, we will make a certain decision and hopefully without burning bridges,” dugtong pa ng magandang aktres.

Ten years din ang inilagi ni Iza sa Kapuso Network, pero aminado ang dalaga na mas nahirapan siyang mag-desisyon dahil sa naging parte na rin siya ng dabarkads ng Eat Bulaga.

Nami-miss daw niya ang mga kasamahan sa noontime show lalung-lalo na ang main hosts na sina Vic Sotto, Joey de Leon at Sen. Tito Sotto.

“Isa sa pinakamahirap na desisyon sa akin ang iwanan ang Eat Bulaga! You can never understand what it is like unless you were part of that family. Napakabait nila, and it takes a certain personality to gel with them, and I was fortunate enough to have that kind of personality, and they are very fun. Kaya lang, I really need to do this. I’m sure maiintindihan nila.”

Say pa ni Iza, gusto niyang makapareha ang magagaling na Kapamilya actors, partikular si Piolo Pascual na nakatrabaho niya sa Milan, gayundin din sina John Lloyd Cruz, Jericho Rosales at Gerald Anderson.

Aminado si Iza na maraming mahuhusay na artista ang ABS-CBN, pero hindi raw siya nakikipagkumpetensiya sa mga ito.

“It serves as a motivation and challenge, but I’m not going to take anyone’s place,” hirit pa ng aktres.