BIRUAN nga ng mga nag-tsi-tsismisang mga bading sa isang beauty parlor, lumabas na raw ang tunay na ugali ni Nikki Gil ngayon na “iniwanan” na siya ng dyowang si Billy Joe Crawford, na balik-Europa para ipagpatuloy ang naudlot na singing career dahil nawiling mag-stay sa Pilipinas.

Nikki goes bad at naging maldita raw bigla, huh!

Pero ang pinagbasehan ng mga bading, ang pagiging kontrabida ni Nikki sa bago niyang afternoon soap.

Sa isang panayam, sinabi ni Nikki na first time niyang sumabak sa isang teleserye na siya mismo ang magiging kontrabida. Noong una raw, nagdalawang-isip si Nikki na tanggapin ang role dahil sa tunay na buhay daw, hindi pa siya napapasabak sa anumang pakikipag-away at pagmamaldita nang labis-labis. Pero dahil sa malaking hamon sa kanyang talent, tinanggap ni Nikki ang role at kumuha pa siya ng crash course para maging effective na kontrabida.

* * *

KUNG si Star for All Season and Batangas Gov. Vilma Santos-Recto ay tatanungin kung payag ba siyang tumakbo bilang mayor ng Lipa City ang panganay na anak na si Luis Manzano sa darating na halalan, isang “hindi” ang tugon nito.

Katwiran ni Ate Vi, hindi basta-basta maging isang public servant, base na rin sa kanyang pinagdaanan.

Marami kasi ang humihikayat kay Luis na tumakbo bilang mayor sa Lipa City, para sundan ang magandang na-ging record ng ina.

Pero ayon kay Ate Vi, kailangan maging handa si Luis kung sakaling papasukin nito ang mundo ng  pulitika. Dagdag pa ni Ate Vi, base na rin sa kanyang experience, isang malaking sakripisyo at responsibilidad ang maging alkalde ng isang bayan.

Hindi naman daw hinahadlangan niya sakaling naisin ni Luis na pasukin ang politics, pero para sa Star for All Seasons, nais niyang paghandaan ng anak ang pagiging isang politiko, dahil sa huli raw, ang constituents niya ang huhusga sa pa-mamaraan ng kanyang pagiging lingkod-bayan.