Palagay namin hindi malaking problema kung ideklara man ng hukuman na wala nang bisa ang kasal ni Kris Aquino kay James Yap.

Ang karaniwan, ano man ang sabihin natin, mas nahihirapan ang babae matapos makipaghiwalay sa kanyang asawa.

Pero sa kaso ni Kris, mukhang hindi naman siya masyadong nahirapan dahil kung ilang ulit na rin naman siyang nahiwalay sa kanyang mga naka-affair.

Mabuti nga sa paghihiwalay nila ni James, hindi masyadong lumikha ng iskandalo. Ang pinakamatindi lumabas, noong nakipaghiwalay siya kay Joey Marquez. Hindi sila kasal, wala silang anak, pero naging matindi ang kanilang paghihiwalay.

At sa kaso nila ni James, tahimik lang siya at mukhang tanggap na niyang doon din ito mauuwi. Kaya sakali mang ideklarang “null and void” ang kanilang kasal, hindi na siya aapela pa.

Kung may balak man siyang umapela, nagawa na sana niya ito noong dinidinig pa lang ang kanilang kaso. Nagpakita rin naman siya ng kawalan ng interes matapos ibigay sa kanya ng korte ang mga karapatan sa mga anak.

’Yun naman ang sinasabi ni Kris, ang mahalaga lang sa kanya, ’yung anak niya.

In the first place, mukhang wala namang mangyayaring kasalan agad pagkatapos ng annulment nina Kris at James.

Pero nakapagtataka ba kung bumaba agad ang annullment ni Kris?

May mga abogado kasing sanay na sanay na sa annulment cases.

Tingnan ninyo si Aiko Melendez, hindi ba nakadalawang annulment na rin?

Simula nu’ng gawin ang batas sa annulment, para na rin tayong may divorce sa Pilipinas.

* * *

Nagulat din daw si direk nang lapitan siya ng isang female star at sinabi sa kanyang: “Direk, papayag naman ako, eh!”

Meaning, ok lang sa kanya kung saan man siya tangayin ng kanyang director.

Pero hindi naman sex maniac si direk, kaya hindi niya sinamantala kung ano man ang sinabi sa kanya ng trying hard na female star.