Puro projects ang focus ni Richard Gutierrez kaya wala raw muna siyang lovelife. Nakipag-meeting  na siya sa GMA-7 para sa soap na gagawin at balitang tatlo sa magagandang Kapuso aktres ang pinagpipiliang ipareha sa kanya.

Hindi pa nakakatrabaho ni Richard ang tatlo, although  muntik na ’yung isa, nabulilyaso lang.

Ang isa, tiyak na sobrang matutuwa ’pag siya ang napili dahil bago pa lang ito, dream nang maging leading man si Richard.

Gusto ring gumawa ng pelikula ni Richard at game siya pati sa indie films.

Nanghinayang ito sa nalamang may good project para sa kanya si Direk Jeffrey Jeturian na para sa Cannes Film Festival, kaya lang, napunta sa iba.

“Gusto ko out of the box character, I wanna go out of my comfort zone. Ang dami kong dream character and hopefully, magawa ko this year,” sabi ni Richard.

Nakalimutan naming kumustahin kay Richard ang GMA Films movie na Quatra  o Kuwatro  na pagtatambalan sana nila ni Iza Calzado.

Kahit sa ABS-CBN lang ang exclusive contract ng aktres at hindi sa Star Cinema, mukhang malabo nang matuloy pa ang nasabing pelikula.

Na-excite si Richard sa sinabi ni Vic del Rosario na gusto niyang pagtambalin sila ni Sarah Geronimo at muling gumawa ng movie with Anne Curtis and KC Concepcion at ibang talents ng Viva Artists Agency.

* * *

Hinawakan namin ni Ian Fariñas ang stomach ni Raymond Gutierrez para malaman kung totoo ang sinabi nitong hindi nag-sag ang tiyan niya after ng treatment ng Sexy Solutions. Nang tanungin kung ano ang gagawin niya sa mga napagliitan mga damit, ibibigay daw niya kay Jun Lalin. 

Gaya nina Richard at Ruffa Gutierrez, excited din si Raymond na maging part ng Viva family, pero ayaw nitong gumawa ng pelikula.

Kung gagawa man siya ng movie, horror para patay agad ang karakter niya.

May hirit pa si Raymond na gusto lang ng 10 percent commission ng mom niya, kaya gusto nitong mag-artista siya.

Samantala, pinasalamatan ni Raymond si Kris Aquino sa birthday gift nito sa kanyang LED TV.

Naging close rin si Richard sa TV host-actress nang magkasama sila sa New York, ano kaya ang ireregalo sa actor ni Kris?

* * *

After Daldalita, pelikula naman ang haharapin ni Rufa Mae Quinto at three movies agad ang naka-line up niyang gawin this year under Brown Sugar Productions. Kasosyo nila ni Boy 2 Quizon dito sina Bullet Jalosjos, Martin Aviles at director din ng first project nilang love story-comedy.

Isusunod ni Rufa Mae ang action-comedy at horror-comedy at seryoso na siya sa pagiging movie producer.

Gusto niyang magprodyus ng movie dahil maganda raw ang movie industry this year.

Aliw dahil hindi pa man nagagawa ang movie, may victory party na agad siyang binanggit.

Anyway, nag-enjoy si Rufa Mae sa Daldalita kahit may pagka-kontrabida ang role dahil nakatrabaho niya sina Manilyn Reynes, Jillian Ward, Marc Abaya at iba pa sa cast.

Natuwa ito sa narinig na gusto siyang makatrabaho uli ni Jillian at dahil sa kanila ni Ogie Alcasid, gustong mag-guest sa Bubble Gang ng bagets.

* * *

Sa Munting Heredera, magagalit si Sandra (Camille Prats) kay Simeon (Neil Ryan Sese) dahil hindi masabi ng lalake na hindi na niya mahal si Sandra. Sa desperasyon, magbabago ang timpla ni Simeon, iuutos sa tauhan na itali at busalan ang mag-ina.

Samantala, tatawagan ni Michelle (Kyle Ocampo) si Simeon, kasama ng bata sina Lola Ana (Gloria Romero). Naka-monitor din sina Jacob (Mark Fernandez) at mga pulis. Nang sagutin ni Simeon ang tawag, simula na nang pagti-trace sa tawag nito.