KABADO si Joey Marquez bago ganapin ang contract signing niya sa ABS-CBN kahapon.

Sa buong career niya kasi, ipinaubaya niya sa yumao niyang manager na si Douglas Quijano ang pagpirma sa mga kontrata kaya first time niyang ginawa ang pumirma sa Channel 2 after 12 years na nawala at napunta sa GMA 7.

“It’s nice to be home, sabi nga nila,” panimula ni Joey bago pumirma ng kontrata.

“Very excited, of course, when they asked me to come here. I was surprised that they offered something. Sabi ko, ah, it’s one wish I’ve been wishing for,” dagdag ng komedyante.

Ano ang deciding factor at bumalik siya sa Dos?

“Sabi nga natin, kahit saan tayo umikot, babalik ka rin sa bahay. I consider ABS my first and only home before I started my showbiz career,” saad niya.

Comedy at talk show ang immediate programs na gagawin ni Joey sa Kapamilya Network na sa February ang launching.

“It’s next step to comedy. Upgrade for comedy. Something new,” pahayag niya.

Dahil nasa ABS-CBN na rin sina Janice de Belen, Carmina Villaroel, Jomari Yllana, natanong din kay Joey kung gagawin na ba ang remake ng hit sitcom nilang Palibhasa Lalaki.

“Alam mo naman na… very obvious naman na kapag kinukuha na ang mga ingredient, unti-unti na ’yung lulutuin.

“Hindi ko pa alam. That’s for us to know and for you to find out. One teaser is the ingredients are all here,” katwiran ni Joey.

Ano ba ang bago sa kanya sa pagbabalik niya sa Dos?

“I am not lonely today. The past is too much complication. But now it’s clear. I’ve never been happy today,” sagot niya.

Paano na ang political career niya?

“Ang pulitika naman is posisyon lang. It’s not the position that really counts. Mas gusto kong napapaligaya ko ang mga tao sa telebisyon,” rason niya.

Kung siya ang papipiliin sa makakaparehang leading lady, nagbiro si Joey na mas gusto niya siyempre ang bata.

“Hindi naman… not necessary siguro leading lady. Something with a twist siguro na coming up with… ano ang tawag doon? May-December affair. It’s just a dream. It’s comedy,” sambit niya.

Dahil talk show ang una niyang show, sino ang dream niyang mainterbyu sa Kapamilya stars?

“Dami, ang dami. Siguro, ang isang dream ko rito, si Ma’am Charo (Santos-Concio). I’d like to know her success and probably emulate. I’d like the people to know how it can be one successful person,” tugon niya.

Meron naman ba siyang iiwasang ma-interview?

“Wala! Kasi as a talk show host, you have to be versatile. Personal emotions will be set aside. It’s the work that counts really. It’s not my emotions. Anything that people wanted to hear. I’ll do it regardless who he is,” diin ni Tsong.

Pati si Kris Aquino?

“Depende nga if a person allows. Ako naman, willing. Kasi it’s all work. There is no boundary when it comes to work. I would like to exceed their expectations sa kung anong gawin ko,” deklara ni Joey.

Sa contract signing, pinangunahan ni Ma’am Charo ang pag-welcome kay Joey. Kasama niyang pumirma ng kontrata sina Cory Vidanes, Linggit Tan at iba pang involved sa comedy unit ng Kapamilya Network.

* * *

DUMATING si Annabelle Rama sa birthday party ni Tito Alfie Lorenzo last Wednesday sa Imperial Palace Suites. Hindi akalain ng marami na babati si Bisaya sa birthday ng kaibigan dahil sa mga tsismis na may tampo ito sa birthday boy.

Pero nagkamali ang lahat dahil kahit present din sa party ang kaaway ngayon na si Daisy Romualdez, join pa rin sa kasiyahan si Bisaya, huh!

Hindi nga lang niya pinansin si Daisy at tinalikuran lang nang makitang kasalubong niya ito, huh!

Wala namang talakang nangyari sa dalawa. Quiet lang si Tita Annabelle na kumain ng Mongolian food at umalis na lang nang tahimik si Daisy kasama si Amalia Fuentes.

Tuluy-tuloy ang awitan na pinangunahan ni Allan K (na nasa Kuwait na ngayon for a show) na sinundan ni Gerald Santos. Rumakrak din si Alvin Anson pati na ibang members ng Wednesday Club.

Ilan pa sa mga nakisaya kay Tito Alfie ay sina Sen. Bong Revilla Jr., Phillip Salvador, Jillian Ward, Erik Santos, Direk Maryo de los Reyes, Jake Tordesillas, June Rufino, Lhar Santiago, Mario Dumaual, Roselle Monteverde, Malou Choa-Fagar at marami pang iba.