BUONG-ningning na sinabi ng Kapuso singer na si Jay Perillo na hindi niya dyowa o nililigawan man lang ang sexy star na si Iwa Moto.

Kumalat kasi ang balitang si Iwa ang ipinalit ni Jay nu’ng makipaghiwalay siya kay Kris Bernal.

Si Iwa raw ang sagot ni Jay sa tsikang pakikipagmabutihan ngayon ng dating girlfriend kay Jolo Revilla, na kasalukuyang nasa Amerika para magpagamot sa lumalala nitong migrane.

Sa panayam kay Jay, dinenay nito na nagde-date sila ni Iwa.

May lumabas kasing ba-lita na nakitang magkasama sina Jay at Iwa sa isang gimikan at sweet daw sa isa’t isa.

Ayon kay Jay, hindi naman daw date ’yun kundi lakad ng barkada.

Kaibigan daw niya si Iwa at may common friends sila kaya nagkakasama sa gimikan. Wala raw malisya ang ginawang gimik nila ni Iwa.

Sabi pa ng tsinitong singer, nakilala niya si Iwa sa pamamagitan ng mga kaibi-gan nila ni Kris Bernal.

Since then, naging magkaibigan na sila ni Iwa, na nagkataon na bestfriend ni Kris.

* * *

INDUCTION NG BAGONG PMPC OFFICERS, MATAGUMPAY

BONGGA ang oathtaking ng bagong set of officers ng Philippine Movie Press Club (PMPC) na ginanap sa RJ Bistro, Victoria Tower, Timog, Quezon City last January 24.

Hindi binigo ng Star For All Seasons at Batangas Governor Vilma Santos-Recto ang imbitasyon ng organisasyon para sa kanyang harapan manumpa ang ba-gong PMPC officers.

Dumalo rin sa naturang event si star-builder Kuya German Moreno, gayundin ang producer ng  Star Awards for Movies, Music and TV na si Tess Celestino, maging si National Press Club (NPC) president Mr. Jerry Yap.

Sa inspirational talk ni Gov. Vi, nabanggit niyang Golden Anniversary na niya ngayong taon.

At kilalang-kilala na rin niya ang mga miyembro dahil nakalakhan na niya ang PMPC, na 46 years na this year.

Ang bagong PMPC officers ay sina Roldan Castro (president), Romel Galapon (vice president), Jimi Escala (secretary), Ador Saluta (vice secretary), Boy Romero (treasurer), Blessie Cirera (vice treasurer), Joe Cezar (auditor), Beth Gelena (P.R.O.),  at Board of Directors sina Julie Bonifacio, Veronica Samio, Letty Celi, Ernie Pecho, Gerry Ocampo, Timmy Basil at Benny Andaya.

Gaganapin ang Star Awards sa March 14 at mapapanood ito sa ABS-CBN on March 18.

Ibabalik  ng PMPC ang tradisyon na ito ang unang nagbibigay ng award.  Nagpapasalamat din ang bagong PMPC officers sa lahat ng miyembro and past presidents ng organisasyon, mga kaibigang dumalo, kina ta-lent-manager Lito de Guzman, comedienne-actress Chariz Solomon, talent-manager Ricky Gallardo at entertainment editors ng iba’t ibang newspapers. Pinasasalamatan din ng PMPC ang sponsors para sa importanteng araw na ‘yun -- Glutamax, Afficionado, Hammerhead, Brazilian Coffee, Erase Placenta at ang F&G Tailors, headed by Jowan and Jun dela Cruz.