HINDI na solo si Rufa Mae Quinto sa negosyo niyang may  iba’t ibang projects na may kaugnayan sa showbiz and entertainment.

Kung dati, nagsosolo siya, nu’ng inalok siya ni Boy2 Quizon na maki-join sa Brown Sugar Productions, hindi nagdalawang-isip ang sexy comedienne.

Co-investor din nila sa Brown Sugar Productions ang ex-BF ni Katrina Halili na si Cong. Bullet Jalosjos, kilala bilang manager ng Dakak Resort na nasa Dipolog City, Zamboanga del Norte.

Iba pang co-investors nina Rufa Mae at Boy 2  sina  Martin Aviles at Rambo Nunez. Ilan daw sa projects na kanilang nakatakdang gawin ay movie na may temang love story-comedy, comedy-horror at comedy-action.

Kaya lie low muna si Rufa Mae sa soap sa TV dahil gusto niyang mag-concentrate sa paggawa ng pelikula ngayong 2012.

* * *

MAY dalawang teleserye ang baguhang aktor na si Kerbie Zamora sa dalawang TV networks -- sa Legacy ng GMA7 at sa Valiente ng TV5.

Mercator talent si Kerbie na naunang nakilala sa showbiz via commercials at sa hit na indie film Zombadings, kung saan lumabas siya bilang love interest ng bidang si Martin Escudero. Lumabas ang acting talent nina Martin at Kerbie sa Zombadings kaya naging daan ito para i-cast si Kerbie sa soap ng dalawang TV stations.

Freelancer si Kerbie at rumarampa pa rin bilang mo-delo. Kasama siya sa pool of models ni Mercator boss Jonas Gaffud. Kung hindi siya busy sa taping o shooting, libangan nila ng kapwamodelo ang basketball at kung saan-saang tournament sumasali.

Pero may tsikang nakasama raw si Kerbie sa isang rambulan. Depensa nito, hindi raw siya ang nagpasi-mula ng gulo kungdi ang isa nilang kasamang modelo ang napaaway. At dahil kagrupo, nadamay lang sila.

Mabuti at walang kasong nangyari, kaya  naging lek-siyon ito kay Kerbie na maging maingat sa pagsali sa bastketball tournaments.

Promise niya, asikasuhin na lang muna ang yumayabong na acting career.

Super-macho ngayon si Kerbie at swak maging leading man. Another JC Tiuseco si Kerbie, na Mercator talent din. Bida si JC sa Kokak, bilang isa sa leading men ni Sarah Lahbati.

May part two rin daw ang Zombadings, at biro ni Kerbie, ang highlight ng romansahan nila ni Martin ay sa bubungan na gagawin.

* * *

NAGMISTULANG therapy kay Camille Prats ang pagte-taping sa Munting Heredera  na dalawang linggo na lang sa ere at magtatapos na. Sobrang mahihirap na ang mga eksena ngayon ni Ca-mille.  Ayaw kasi ng kontrabidang si Ryan Sese na muling magsama sina Camille, Mark Anthony Fernandez at ang anak nila sa soap na ginagampanan ni Mona Louise Rey.